Kies die regte bra
• Maak seker die ondersteuningsdraad rus van jou onderarm, regom tot die middel van jou bors, plat en gemaklik op jou borsbeen. As jou borste oor die keël (“cup”) druk of die draad van jou borsbeen oplig, is jou keëlgrootte te klein.
• Jou bra moet regom jou lyf gelyk horisontaal sit en nie in ’n U-vorm hang of anderkant om nie.
• Die bandjies moet net 20% ondersteuning bied. Daar moet twee vingers tussen jou skouers en die bandjies kan pas. Jou bandjies moet nie in jou skouers insny nie, maar ook nie afgly nie.
• ’n Ondersteuningsdraad wat ongemaklikheid verooraak, versuur nie net jou dag nie, maar kan ook tot vele gesondheidskwessies lei.
• Sekere keëlvorms werk beter by sekere borsvorms, kies dus ’n vorm wat voldoen aan die bostaande wenke.
Baie onderklere-winkels bied gratis afsprake waar professionele konsultante jou mates neem en jou die regte keëlvorm help uitkies. Die meeste vroue is onbewus van die kenmerke van verskillende tipes bra’s. Hoeveel van hierdie vorms ken jy?
Half cup
Three quarter cup
Full cup
Tulip full cup
Moulded
Rigid moulded
Push up
Plunge
Meet só
1. Meet die omtrek van jou borskas met ’n maatband. Hou die band reg onder jou borste, maak seker dit is horisontaal. Asem uit as jy meet.
2. Meet nou die omtrek van jou borskas deur die maatband horisontaal oor die breedste deel van jou borste en rug te hou.
3. Die verskil wat jy tussen stap een en stap twee se mates kry, is jou keëlgrootte.
Wanneer jy swanger raak
Tydens swangerskap reageer elke vrou se liggaam anders. Dis nie gevaarlik om tydens swangerskap steeds ’n bra met ’n ondersteuningsdraad te dra nie, hoewel die meeste vroue eerder die draadlose bra verkies. Winkels bied ook ’n inhaakverlenging wat jy agter aan jou ou bra kan aanlas wanneer jou bors groter raak tydens swangerskap. Wanneer jou liggaam na borsvoeding weer herstel het, moet elke vrou vir ’n hele nuwe meet-en-pas-konsultasie gaan, omdat jou liggaam verander het.
Lees ook: Die vleiendste denimromp vir jou figuur
Lees Meer
