Interessante loopplankgrimeervoorkomste deur Corné Greeff. Hooffoto: MAC Cosmetics AW18
Grimering wat gepas is vir die loopplank, kan nie noodwendig gedra word vir koffie saam met jou vriendinne nie (alhoewel, “we don’t know your life!”). Maar jy kan dit steeds as inspirasie gebruik deur dit te minimaliseer om hierdie voorkomste by jou alledaagse styl te laat pas.
Die swart lip met helder oë en wange
MAC Cosmetics AW18
Hierdie voorkoms kan mooi lyk – regtig! – maar as jy nie daarvan hou om swart lipstiffie te dra nie, kan jy dit eerder verruil vir ’n meer natuurlike of ligter skakering. Minder blosser op die wange sal ook ’n meer natuurlike voorkoms skep. Jy kan wel steeds eksperimenteer met ’n helder oogskadu om jou oë te beklemtoon.
Die blinkervoorkoms
MAC Cosmetics AW18
As jy só werk to gaan mag jou kollegas dalk dink jy het in ’n potjie vol blinkers genies, of dat jy dalk op pad is na ’n Halloweenpartytjie. Maar, soos hulle sê, wie nie waag nie, wen nie, en dit is altyd goed om iets nuuts te probeer. Ons dink jy kan steeds blinkers op jou ooglede of lippe gebruik, dalk net nie op jou hele gesig nie! Hou by iets eenvoudigs, soos hierdie voorkoms wat vir Valentino geskep is …
https://www.instagram.com/p/BoZWaGNhiQ6/?hl=en&taken-by=maisonvalentino
Dramatiese oogomlyner
MAC Cosmetics AW18
Vir ’n makliker en meer subtiele voorkoms, wend die oogomlyner net op jou onderste ooglid aan, of selfs net op jou boonste ooglid. ’n Helder kleur oogomlyner beklemtoon en verhelder dadelik jou oë.
Die kleurvolle lip
https://www.instagram.com/p/BlwEcgEh0eY/?hl=en&taken-by=parisfashionweek
Hierdie voorkoms lyk dalk asof iemand lekker roomys geëet het, maar weet jy wat, jy kán hierdie voorkoms laat werk van die loopplank af! Probeer eerder net een of hoogstens twee helder kleure, of skep ’n meer natuurlike ombré-voorkoms.
“Ek huil lang blou trane”-voorkoms
https://www.instagram.com/p/BohSCKXl0T_/?hl=en&taken-by=adamfrostrealness
Dié voorkoms mag jou dalk laat dink aan iemand wat vergeet het om hulle gesig te was na ’n aandjie uit … Helder grimering is ’n gunsteling hierdie somer en dit moet beslis gebruik word, maar dit mag dalk beter lyk as jy jou oë net “binne die lyne” inkleur. 😉
Lees ook: Gesigwas 101
Lees Meer
