In Fees van ’n ryding

Op ’n bekendstelling van die nuwe Ford Fiesta, teen die einde van Februarie, het ons die wiele laat sing al die pad van die Kaap tot in Robertson. En die Fiesta was soos sy naam belowe, ’n fees. Die grootste verrassing is die 1-liter EcoBoost enjin (met drie silinders) wat jou gaan verras met sy ratsheid en gewilligheid. Die enjin mag op papier klein klink, maar Ford het met nuwe tegnologie dit reggekry om ’n towerstaf te swaai en ’n merkwaardige 92kW se krag uit hierdie enjin te tower. Meer as die huidige 1.6 liter enjin wat dit vervang. Geen wonder hulle het die Internasionale Enjin van die Jaar prys hiermee gewen nie. En dan sal die brandstofbesparing jou keer op keer bekoor met fabrieksyfers van 4,3 liter per 100km.

'); googletag.cmd.push(function() { googletag.display('dfp-300x250-1'); }); document.write(''); }

Die ander stukkie towerkrag is “ouerskap met afstandbeheer”. ’n Nuwe opsionele funksie “MyKey” laat ouers toe om beperkinge op die voertuig te plaas om jong bestuurders te help om veilig te bestuur. Ouers kan die voertuig se topspoed en volume van die musiekstelsel beperk sowel as klikkers op sekere snelhede (soos 60km/h) plaas om die bestuurder te herinner dat hy vinniger as die voorstedelike spoedgrens ry. Daar is twee modelle in die EcoBoost reeks; die Trend kos R211 500 en die Titanium is R231 500.

'); googletag.cmd.push(function() { googletag.display('dfp-300x250-6'); }); document.write(''); }

'); googletag.cmd.push(function() { googletag.display('dfp-300x250-2'); }); document.write(''); }