Genoeg vir 4-6
• ’n mengsel vars kropslaaiblare (ons het wilde roketblare gebruik)
• 500 g (4) hoenderborsies, gaargemaak en in repies getrek (ideaal as jy oorskiethoender het)
• 4 murgpampoentjies en 1/2 komkommer, in linte gesny met ’n groenteskiller
• 1 geel en 1 rooi soetrissie, in blokkies gesny
• 125 g (±7 groterige) kersietamaties, in ringe gesny
• 1 middelslag- pers ui, gehalveer en in die lengte in dun skyfies gesny
• 12 olywe, ontpit, en middeldeur gesny
• 250 ml (1 k) suikermielies, gevries of geblik
• 60 ml (4 e) sonneblomsaad vir garnering, droog gerooster in ’n warm pan
• ’n hand vol grasuitjies, gekap
Slaaisous
• 250 ml (1 k) vetvrye- ongegeurde jogurt
• 60 ml (4 e) laevetmayonnaise
• 30 ml (2 e) vars dille, gekap
• 30 ml (2 e) vars koljander, gekap
• gemaalde swartpeper na smaak
1 Sit die slaaiblare in ’n mooi slaaibak. Meng die oorblywende slaaibestanddele, behalwe die sonneblomsade, en meng dit deur die slaaiblare.
2 Meng die sousbestanddele en sit voor saam met die slaai.
3 Strooi die sade oor en dien dadelik op.
Lees Meer
