Genoeg vir 4
Sous
• 20 ml (4 t) sojasous
• 30 ml (2 e) heuning
• sap en gerasperde skil van
1 lemoen
Roerbraai
• 30 ml (2 e) olyfolie
• 15 ml (1 e) gekapte gemmer
• 15 ml (1 e) gekapte knoffel
• 15 ml (1 e) gekapte brandrissie
• 500 g hoenderborsies, in blokkies gesny
• 100 g broccolini, in die lengte deur gesny
• hand vol boontjiespruite
• 1 groen soetrissie, fyn gekap
• ½ rooikool, dun gesny
• 1 klein pynappel, geskil en in blokkies gesny
• hand vol koljander
• hand vol kruisement
• 125 ml (½ k) gevlokte amandels
• 30 ml (1 e) swart sesamsaad
• 250 g Oosterse eiernoedels, gekook volgens die aanwysings op die pakkie
1 Meng die sousbestanddele in ’n bakkie. Hou eenkant.
2 Verhit die olie oor hoë hitte in ’n groot wok. Voeg die gemmer, knoffel en brandrissie by en roerbraai vir 1 min.
3 Voeg die hoender by en roerbraai vir 5 min. of tot goudkleurig en gaar. Geur met sout. Skuif die hoender teen die kante van die wok op.
4 Roerbraai die broccolini en boontjiespruite vir 2 min. in die middel van die wok.
5 Voeg die soetrissie, rooikool en pynappel by. Roerbraai vir 2 min. Voeg die sous by en roerbraai vir nog 2 min. Roer alles deur tot dit met die sous bedek en deurwarm is.
6 Strooi die amandels en sesamsaad oor. Sit met vars koljander, kruisement en eiernoedels voor.
Lees Meer
