Genoeg vir 4
• 400 g (3-4) hoenderborsies
• 15 ml (1 e) olyfolie
• sap van 1 suurlemoen
• 125 ml (1/2 k) hoenderaftreksel
• 15 ml (1 e) sojasous
• 30 ml (2 e) sjerrie
• 1 ui, gekap
• 1 knoffelhuisie, gekneus en gekap
• 3 wortels, geskil en in repies gesny
• 50 g (1 k) spinasie, fyn gekap
• 2 selderystingels, in ringe gesny
• 4 sprietuie, gekap
• 1 rooi soetrissie, ontpit en in repies gesny
• ’n hand vol koljanderblare en grasuitjies, gekap
• 750 ml (3 k) gaar bruinrys
• gerasperde skil van 1 lemoen
• 8 olywe, ontpit en fyn gekap
Voorverhit die oond tot 180 ºC.
1 Smeer die hoenderborsies met die olyfolie, sprinkel suurlemoensap oor en geur goed met sout en peper. Bak vir ±20 min.
2 Trek die afgekoelde hoenderborsies in repies, en marineer dit in die hoenderaftreksel, sojasous en sjerrie tot benodig.
3 Verhit 5 ml olyfolie en roerbraai die ui en knoffel tot sag. Voeg die wortels en spinasie by en braai vir nog 1 min. Voeg die res van die groente by en roerbraai tot gaar, maar steeds ferm.
4 Voeg die rys, hoendermengsel en lemoenskil by en verhit. Strooi olywe en vars kruie oor.
Lees Meer
