Hoendergereg in romerige tamatiesous

Deur Rediscover Dairy

Voorbereidingstyd: 5 minute 

Gaarmaaktyd: 20 minute 

Bedien: 4 porsies 

Porsiegrootte: 300 g  

Bestanddele 

 30 ml (2 e) olyfolie 

4 ontbeende hoenderborsies, vel verwyder en in blokkies gesny   

sout en peper na smaak 

10 ml (2 t) paprika 

Vir die tamatiesous 

30 ml (2 e) olyfolie 

1 ui, gekap 

2 (4 g) knoffelhuisies, fyngesny 

1½ k tamatiepassata-sous 

5 ml (1 t) gedroogde origanum 

4 g (1 t) suiker 

sout en peper na smaak 

125 ml (½ k) gewone dubbelroomjogurt of karringmelk 

Bediening 

vars basiliekruid  

kapokaartappels of rys 

 Metode

1. Verhit 30 ml olie in ‘n groot kleefvrye braaipan oor matige hitte. 
2. Geur opgesnyde hoenderborsies met sout, peper en paprika. 
3. Braai hoender in die pan vir 8-10 minute tot gaar. Haal die hoender uit die pan en hou eenkant. 
4. Voeg nog 30 ml olie in dieselfde pan en braai uie vir 3-4 minute tot goed gaar. Voeg die knoffel, sous en origanum by en geur met sout en peper na smaak.  
5. Bring die sous tot kookpunt en verminder die hitte en laat vir nog 10 minute prut. 
6. Verwyder pan van hitte en roer jogurt of karringmelk by. Voeg hoender by die sous. Strooi vars basiliekruid oor en bedien warm saam met kapokaartappels of rys.  

 Lees ook: Beet-, feta-en-okkerneut-slaai