kategorieë: KosSomerkos

Heerlike somerdrankies

Grenadellas is ’n ryk bron van vitamien C asook ’n goeie bron van yster en kalium. Maak seker dat jy die pitte ook eet aangesien dit ’n uitstekende bron van dieetvesel is.

'); googletag.cmd.push(function() { googletag.display('dfp-300x250-1'); }); document.write(''); }

60 ml (¼ k) vars grenadellapulp
45 ml (3 e) lemmetjiesap
8 ysblokkies
100 ml suurlemoen-vodka
1 vars grenadella in kwarte gesny

'); googletag.cmd.push(function() { googletag.display('dfp-300x250-6'); }); document.write(''); }

1 Skud die grenadella, lemmetjiesap en ysblokke saam in ’n menger (shaker).
2 Gooi deur ’n sif in twee verkilde martiniglase. Gooi laastens die vodka bo-oor. Bedien saam met ’n ekstra wiggie grenadella.

'); googletag.cmd.push(function() { googletag.display('dfp-300x250-2'); }); document.write(''); }

Heerlike bessies

Suig aan die ysies op ’n warm dag, maar wees versigtig – hulle het skop! Bessies, veral dié wat donker is, is propvol antioksidante wat jou teen vrye radikale beskerm.

'); googletag.cmd.push(function() { googletag.display('dfp-300x250-3'); }); document.write(''); }

500 ml (2 k) rooibosbessiesap
60 ml (¼ k) lemmetjiesap
60 ml (¼ k) vodka
2 e Cointreau.

Meng al die bestanddele en vries in prettige ysbakkies. Keer uit sodra dit gevries is en hou in die vrieskas tot net voor opdiening, want hulle smelt nogal vinnig.

Lietsjie-en-rooswaterverkwikker

Genoeg vir 2. Gooi ’n paar lietsjies in enige tropiese mengeldrankie om seker te maak jy kry genoeg vitamien C in.

80 ml (¹⁄³ k) Grand Marnier
10 ml (2 t) rooswater
10 ml (2 t) grenadien
10 lietsjies, ontpit
fyn ys
ekstra lietsjies vir garnering

Verwerk al die bestanddele, behalwe die ys, saam in ’n voedselverwerker en verdeel in 2 verkilde glasies. Voeg die lietsjies by en sit voor.

Pynappel-en-kruisement-verfrisser

Genoeg vir 2 – 3

’n Glas vrugtesap tel as een van die vyf porsies vrugte en groente wat jy daagliks moet inneem.

600 ml pynappel-en-wortelsap
80 ml (¹⁄³ k) vodka
80 ml (¹⁄³ k) mentblare

1 Meng die sap en vodka en vries in ’n middelslag-plastiekbak met ’n digsluitende deksel.
2 Krap die vrugte-ys met ’n vurk uit die bak, voeg die kruisement by en verwerk tot al die groot yskristalle opgebreek is. Skep in verkilde glasies en sit voor.

Aarbei-en-lemmetjie-verkoeler

Genoeg vir 2

Aarbeie bevat vitamien C en vesel en kan boonop help om allergieë te verlig

150 g (sowat 8) vars aarbeie
3 lemmetjies, in blokkies gesny
100 ml vodka
40 ml frambooslikeur
fyn ys.

1 Maak die aarbeie en lemmetjies fyn met ’n stamper en ’n vysel.
2 Gooi in ’n drankiemenger (shaker). Voeg die vodka, likeur en ys by. Verdeel tussen 2 verkilde glase.

Somersoentjies

Genoeg vir 2 drankies

Perskes is propvol vitamien C . Dis ook ’n ryk bron van yster en kalium.

45 ml (3 e) Absolut Mandarin (lemoen gegeurde vodka)
45 ml (3 e) perskelikeur
250 ml (1 k) appelsap
250 ml (1 k) bessiesap
fyn ys
perskewiggies, opsioneel

1 Gooi die vodka, likeur, appel- en bessiesap in ’n drankiemenger (shaker), skud goed.
2 Verdeel die ys en die perskewiggies tussen 2 verkilde glase. Giet die sapmengsel oor en sit voor.

Deel
Gepubliseer deur
Rooi Rose

Onlangse plasings

Slim maniere om minder sout te gebruik

Ons kyk hoej jy, as vernuftige tuissjef, heerlike smake met minder sout kan optower én…

10 hours Gelede

Drie goed wat jy oor ‘Suidooster’ se stormagtige April móét weet

Dit blyk ’n paar Ruiterbosch-inwoners gaan in April vir die gek gehou word danksy allerhande…

10 hours Gelede

Van Siprus se skaduwees tot Aronspoort se geheime – twee verhale vol liefde en gevaar

Wanneer gevaar met romanse gekombineer word, is ’n boek nie net ’n storie nie, maar…

1 day Gelede

Kom Clarens toe vir die kunstefees op 1 Mei!

Die fees word vanjaar van 1 tot 4 Mei gehou.    [gallery columns="2" size="medium" ids="151862,151861"]…

1 day Gelede

Bak vir Eid al-Fitr: Groot dinge gebeur as daar tradisie, samehorigheid en soet vieringe is

Die kern van hierdie tradisie is die kuns daarvan om so te bak dat eenvoudige…

1 day Gelede

Duncan Johnson oor ‘Skemergrond’ se skurk: ‘My waardes verskil hemelsbreed van Beeno s’n’

    In die wêreld van televisie en teater is die rol van die skurk…

1 day Gelede

Hierdie webwerf gebruik koekies.