Heel springbokfilet met turksvysous

Instructions

1. Verhit die aftreksel in ’n middelslagkastrol en laat afkook tot ’n derde van die vloeistof oor is. Voeg die brandewyn, wyn en tiemie by en kook af tot ’n derde van die mengsel oorbly.
2. Voeg die turksvystroop by en laat oor matige hitte afkook tot dik en stroperig.
3. Geur die vleis deeglik met sout en swartpeper, en bind die filet met kombuistou vas. Verhit die olie tot baie warm en braai die vleis daarin tot goudbruin.
4. Sit die filet vir 10-12 min. in die oond, afhangende van hoe jy daarvan hou. Haal uit, sny in skywe en sit voor met die turksvystroop en geroosterde groente.