Heel gebraaide hoender

Instructions

1. Meng die growwe sout, peper en olyfolie saam. Smeer dit deeglik oor die hele hoender. Strooi die gewone sout in die holte van die hoender en plaas die 2 suurlemoenhelftes en
   die lourierblare ook in die holte.
2. Maak intussen ’n vuur in ’n Weber- of soortgelyke braaier. Sodra al die kole gloeiend is, krap jy dit eenkant toe en plaas die hoender op sy rugkant op die rooster aan die kant sonder kole. Maak seker dat die boudjies na binne na die kole se kant toe gedraai is. Sit die deksel op. Hou ’n skrefie bo die kole oop en hou die luggate van die braaier oop. Braai vir sowat 40 min.
3. Draai die hoender om sodat die boudjies weg van die kole af wys en op die maag gedraai is. Braai vir nog 40 min.