Haarstyltrend: Natuurlike Tekstuur

Deur: Suzanne Kotzé. Hooffoto: ghd ss18 Missoni Fashion Week

RAW Bohemia-Voorkoms

Indola Street Style Versameling

Hierdie is deel van die Indola se Raw Bohemia-voorkoms. Die kleur – hulle noem dit “Sunkissed Balyage“- lyk natuurlik, en dit werk veral goed vir “ongestileerde” en “terloops” style. Maak ’n vlegsel aan die een kant met klein metaalringetjies (gebruik sommer oorringetjies) daardeur geryg en los, natuurlike krulle aan die ander kant. So sal jy straatslim en koel lyk.

Verskillende haarteksture

Label.M We are two campaign

Hierdie style is van die Label.M se We are Two-veldtog. Met die style en modelle wou Sacha Mascolo-Tarbuck, kreatiewe hoof van Label.M wys hoe modelle se haarteksture verskil, en hoe jy dit kan gebruik om hul individualiteit te beklemtoon en iets uniek te skep. Ons is gaande oor die bykomstighede in die blonde model se hare.

Borrel-bokstert

L’Oreal Paris Le Défile

Die bekende haarstilis Stephane Lancien het hierdie voorkoms vir die L’Oreal Paris Le Défile–vertoning geskep. As jy lekker lang, dik hare het, is dit ‘n wonderlike manier om ’n gewone bokstert anders en meer modieus te laat lyk.

Individualiteit

ghd SS18 X Missoni Fashion Week

ghd het by die Missoni SS18-vertoning saam met haarstilis Anthony Turner gewerk om hierdie voorkoms te skep wat in pas is met die skoonheidswêreld se huidige fassinasie met individualiteit. Elke model het ’n styl gekry wat by haar haartekstuur pas, eerder as om ’n sekere tipe voorkoms vir almal te skep. Die hare is wel gestileer en is nie deurmekaar nie; hulle het steeds produkte gebruik om natuurlike tekstuur te beklemtoon en te vier.