Groenteroerbraai

Genoeg vir 4

olyfolie
3 ml (½ t) brandrissie
5 ml (1 t) knoffel
5 ml (1 t) gemmer
sowat 300 g gesnyde roerbraaigroente
fyn gerasperde skil en sap van 1 lemmetjie
hand vol boontjiespruite
½ klein wit kool, papierdun gesny
100 g (1 pakkie) kasjoeneute, gerooster
sout en gemaalde swartpeper
hand vol koljanderblare, gekap
500 ml (2 k) basmatirys
vars of gedroogde klapperkrulle

1. Verhit die olie in ’n wok of groot braaipan oor hoë hitte. Soteer die rissie, knoffel en gemmer vir 30 sek. daarin. Voeg die roerbraaigroente by en braai vir sowat 2 min. tot gaar, maar nog krakerig.
2. Roer die boontjiespruite, kool en neute deur. Geur na smaak.
3. Roer die koljanderblare deur en sit voor met basmatirys en klapper.