1. Kies ’n getinte vogroom of bb-room pleks van ’n onderlaag – dit gee steeds ligte dekking maar lyk natuurliker. Physician’s Formula Super BB All-in-1 Beauty Balm Cream is ’n goeie voorbeeld.
2. Pienk blosser skep ’n gesonde blos op jou wange. Vermy net die pienk blosser wanneer jou gesig rooi is van te veel son. Probeer YSL Blush Volupté Blush Palette in #2 Belle du Jour.
3. Gebruik dan eerder verbronsingspoeier as ’n blosser. Physicians Formula Bronze Booster Glow Boosting Sun Stones werk goed.
4. Tik verbronsingspoeier op jou slape, voorkop en bors – oral waar die lig natuurlik val. ’n Ronde gesig sal minder rond lyk wanneer jy die verbronsingspoeier ook op en om jou kakebeen en ken aanwend.
5. Kies natuurlike oogskadu’s en ’n bruin oogpotlood om jou oë te beklemtoon. Essence All About Nude Eyeshadow doen dit perfek!
6. Tint jou wimpers sodat jy nie maskara strand toe hoef te dra nie. Strandgrimering moet liefs vermy word. Dit sweet of smeer gewoonlik wanneer jy swem. Julienne 45 Day Permascara is ’n wenner.
7. Minder is meer as dit by vakansiegrimering kom, hou jou voorkoms vars.
8. Op die strand of langs die swembad is ’n gekleurde lipsalf ideaal om ’n vars titsel kleur op jou lippe te kry, sonder dat dit lyk of jy met lipstiffie gaan swem het. Elizabeth Arden Eight Hour Lip Protectant Stick SPF 15 in Blush lyk altyd mooi.
9. Sagte turkoois-skakerings lyk mooi wanneer jy kleur wil dra, maar moet dit nie te kwistig aanwend nie – dit moet steeds natuurlik lyk.
Lees Meer
