Grenadella-en-amandel-roulade

Instructions

Basiese meringue-resep

1  Voorverhit die oond tot 110 °C. Voer ’n bakplaat met bakpapier uit.

2  Klits die sout, kremetart en eierwitte met ’n elektriese klitser of in ’n staanmenger tot stywepuntstadium.

3  Gooi 45 ml (3 e) van die suiker by en klop vir sowat 1-2 min. tot die eierwitte glansend wit is en weer punte maak.

4  Gooi die res van die suiker stadig by en klits deurentyd tot die suiker goed ingemeng is. Die eierwit moet dik en glansend wees en stywe punte maak.

5  Skep groot lepels vol van die meringue op mekaar in die middel van die bakplaat. Vorm met die agterkant van ’n lepel ’n groot gepofte sirkel wat effens induik in die middel.

6  Bak vir 1-1½ uur tot die meringue krakerig en gaar is, maar nie verkleur nie.

7  Indien dit nog sag is as jy liggies met jou vingerpunte daaraan raak, kan jy die temperatuur na 60 °C afdraai en vir nog ’n halfuur bak.

8  Skakel die oond af en droog verder in die warm oond uit tot droog en krakerig.

9  Laat heeltemal afkoel op ’n afkoelrak.

10 Bêre die meringues in ’n lugdigte houer. Strooi eers ’n dun lagie suiker onderin die houer en voer met bakpapier uit - dit keer dat die meringues taai word.

Vulsel

1  Voorverhit die oond tot 180 °C. Smeer ’n bakplaat met ’n bietjie botter en voer met bakpapier uit –laat die bakpapier 10 cm aan elke kant oorhang.

2  Maak 1 basiese meringuemengsel aan. Vou die mielieblom en witasyn aan die einde met ’n metaallepel by die mengsel in.

3  Skep die mengsel in die voorbereide pan en smeer egalig. Bak vir 10 min. of tot die meringue net begin verkleur.

4  Sit ’n skoon vadoek op ’n werksvlak en ’n groot stuk bakpapier bo-op die lap. Strooi versiersuiker oor die papier.

5  Keer die gebakte meringue op die bakpapier uit. Laat vir 20 min. afkoel.

6  Meng intussen die mascarpone, smeer en grenadellapulp.

7  Laat ’n rand van 2 cm oop en smeer die mengsel eweredig oor die rol. Gebruik die bakpapier as ’n gids en rol die vulsel styf toe. Strooi die amandelvlokkies oor en sit dadelik voor.