kategorieë: OuerskapJou lewe

In graad 9? Kies jou vakke só

Versorg deur Mariette Snyman. Foto Pixabay

'); googletag.cmd.push(function() { googletag.display('dfp-300x250-1'); }); document.write(''); }

Graad 9’s kies binnekort die vakke waaroor hulle matriekeksamen sal skryf. Hoewel die Department van Basiese Onderwys onlangs aangekondig het die lys van aangeduide vakkeuses – die lys waaruit leerders wat ná skool vir ’n graad wil inskryf hul vakke moet kies – word onttrek, moet leerders en hul ouers baie versigtig te werk gaan.

'); googletag.cmd.push(function() { googletag.display('dfp-300x250-6'); }); document.write(''); }

'); googletag.cmd.push(function() { googletag.display('dfp-300x250-2'); }); document.write(''); }

Neem die vaardighede wat jou vakkeuse gaan kweek in ag

“Party mense reken die onttrekking van die aangeduide vakkeuselys gee jong mense meer keuses, maar ons wil skole en leerders waarsku om nie riskante en oningeligte keuses te maak nie,” sê dr Felicity Coughlan, Direkteur van The Independent Institute of Education, Suid-Afrika se grootste private hoër onderwysverskaffer.

“Die oorspronklike lys het talle vakke bevat wat tradisioneel universiteitstoelating moontlik gemaak het, en baie van hierdie vakke het leerders aangespoor om vaardighede te bemeester wat belangrik is vir toegang tot ’n openbare universiteit of private hoër-onderwysinstansie.

'); googletag.cmd.push(function() { googletag.display('dfp-300x250-3'); }); document.write(''); }

“Hierdie vaardighede sluit in die vermoë om te redeneer, wat deel vorm van vakke soos geskiedenis; logika en wiskundige vermoëns, soos in boekhou en wiskunde of wiskundige geletterdheid; en bewysvaardighede en wetenskaplike beredenering, soos in die fisieke  en lewenswetenskappe.

Leerders moet daarteen waak om vakke te kies wat almal in een kategorie val

“Daarby het die twee taal-vereiste ’n afgeronde opvoedingservaring vir studente in ’n meertalige land  verseker. Ons moet onthou waarom hierdie vakke oorspronklik ingesluit is, en leerders moet daarteen waak om vakke te kies wat almal in een kategorie val. Soortgelyke vakke beteken hulle uiteindelike som van akademiese vaardighede gaan minder holisties wees, met ’n werklike impak op hulle latere studies.”

Universiteite het nie hul toelatingsvereistes verander nie

Leerders moet ook onthou hoewel skole hul vereistes rondom vakkeuses aangepas het, het universiteite nie hul toelatingsvereistes aangepas nie. “Hoër-opvoedingsinstansies hoef nie hul toelatingsvereistes te verander as hulle nie wil nie, en waarskynlik sal die meeste dit ook nie doen nie. Vir seker nie in die kort termyn nie, en veral nie rakende kwalifikasies wat op die oomblik wiskunde of lewenswetenskappe vereis nie. Ons moedig leerders daarom aan om hul huiswerk te doen voor hulle besluit om tradisionele universiteitstoelatingsvakke uit hul vakkeuses te laat.”

Dink uit die boks

Sekere vakke soos ontwerp was voorheen nie deel van die aangeduide vakkeuselys nie, maar was steeds ’n voorwaardelike toelatingsvereiste vir sekere kwalifikasies by sekere instansies. Die denkwyse wat ontwerp kweek is ’n sterk en noodsaaklike vaardigheid vir ons moderne leefwyse en sal waarskynlik al belangriker raak in terme van toelating tot hoër onderwys.

“Ontwerp is dus ’n voorbeeld van ‘n vak wat ernstig oorweeg moet word as deel van ’n portfolio van kreatiewe vakke nadat leerders vasgestel het of dit aanvaar word deur die hoër onderwysinstansie van hul keuse.

Sluit minstens een vak in waaruit jy weet jy kan uitblink

“Omdat die verandering rakende die vakkeuselys leerders kan aanspoor om makliker of merendeels ooreenstemmende vakke te kies, wil ons hulle aanmoedig om hul opsies omsigtig te oorweeg. Skole moet hulle ook help om ingeligte keuses te maak. Kies vakke wat jou studie-opsies oop laat. Sluit minstens een vak in waaruit jy weet jy kan uitblink, en vul dit aan deur vakke wat jou ’n wye vaardigheidspektrum sal gee. Dit maak jou kans om sukses te behaal soveel groter.”

Deel
Gepubliseer deur
Mariette Snyman

Onlangse plasings

Nare bedmaats: Raad vir stofmyte

Nare bedmaats: Raad vir stofmyte deur Anet Schoeman. Hooffoto: iStock/fongleon356   As jy volgende keer tussen…

10 hours Gelede

Sensitiwiteit: ’n Gawe of ’n vloek?

Sensitiwiteit is nie ’n swakheid of iets wat reggemaak moet word nie. Dis iets wat…

12 hours Gelede

Bob Martin se virtuele portaal vir troeteldierversorging

Soms is dit moeilik om die ouer van ’n troeteldier te wees, veral wanneer dit…

12 hours Gelede

Wat soek ‘Kokkedoor: Son & See’ se beoordelaars? Sjef Yolani Abrahams vertel

Die passievolle kos-entoesias Yolani Abrahams (32) is saam met Herman Lensing een van die beoordelaars…

15 hours Gelede

Dié ekspo in Pretoria bied iets aan vir die hele familie – Dis Outdoor X tyd

Vanaf 30 Mei tot 1 Junie, vind dié ekspo plaas by Idlewild Country Estate, net…

17 hours Gelede

Slim maniere om minder sout te gebruik

Ons kyk hoej jy, as vernuftige tuissjef, heerlike smake met minder sout kan optower én…

2 days Gelede

Hierdie webwerf gebruik koekies.