Wees gaaf met jouself én die planeet met hierdie 6 maklike wenke
1 Sny alle chemikalieë uit
In plaas daarvan om skoonmaakmiddels te gebruik wat baie chemikalieë bevat, maak eerder jou huis met natuurlike produkte skoon wat heel moontlik reeds in jou kruidenierskas is. Natuurlike bestanddele kom voor in produkte soos asyn, suurlemoensap, baksoda, sout en boraks (’n minerale sout wat natuurlik voorkom en die eienskappe van ’n bleikmiddel bevat). Wonder jy hoe om hierdie produkte as skoonmaakmiddels te gebruik? Google dit vir baie resepte en wenke oor hoe om jou huis silwerskoon te kry!
2 Doen-dit-self skoonheid
Kies eko-vriendelike skoonheidsprodukte wanneer jy weer gaan inkopies doen of raak kreatief binne jou eie kombuis met doen-dit-self skoonheid. Bestanddele soos klapperolie, ekstra-suiwer olyfolie en heuning kan op baie maniere gebruik word, vir die maak van reinigers en bevogtigers tot ryk haarbehandelings.
Maak jou eie skoonheidsprodukte. Klik hier vir ons idees.
Lees meer oor heuning se skoonheidsvoordele hier.
Meng jou eie aromaterapie-olies. Ons wys jou hoe.
Selfdoen-haarmaskers. Ons gee raad.
Maak jou eie gesigafskilfermiddel met suiker. Klik hier.
3 Stap sover jy kan
Stof jou tekkies af en gaan stap ’n ent. Of ry fiets wanneer jy poskantoor toe gaan en hou jou kar in die motorhuis. Jy sal brandstof bespaar én jou motor se uitlaatgasse verminder terwyl jy vars lug en oefening inkry.
4 Kies organies
Kies sover jy kan organiese vrugte en groente, vryloop hoenders, eiers en beesvleis. Dit is ook ’n goeie idee om plaaslike markte te ondersteun, waar jy vars produkte kan koop wat plaaslik verkry en in seisoen is. Jy kan ook uitvind of daar enige organiese groente-aflewerings in jou omgewing is, sodat jou vars produkte by jou deur afgelewer kan word.
Handhaaf ’n organiese leefstyl. Lees meer hier.
5 Herwin
Geniet die voelgoed-ervaring wanneer jy herwinbaar leef. Jy maak nie net ’n verskil aan die omgewing nie, jy voel ook goed daaroor. Al wat jy moet doen, is om jou herwinbare afval te berg en dit een keer ’n week na jou naaste herwinningsdepot. Onthou, jy kan ook e-afval items soos ou rekenaars, selfone en televisies herwin.
Herwin glas en maak só ’n verskil aan die planeet. Lees meer hier.
6 Ontkoppel tydens af-periodes
Is jy permanent vasgenael aan die televisie, jou selfoon of tablet? Neem ’n blaaskans van tegnologie deur ’n regte boek te lees, ’n stokperdjie te begin of om saam met vriende of familie te kuier. Jy sal nie net jou elektriese verbruik verminder nie, jy kan dalk jou kreatiewe kant aanwakker.
Vir meer inligting oor effektiewe selfsorg, besoek Selfcare247 hier.
