Basiese hawermoutkoekies met misokaramel

Serves: 15 Nutrition facts: 200 calories 20 grams fat

Ingredients

• 110 g botter
• 75 g sagte bruinsuiker
• 15 ml (1 e) gouestroop
• 55 g volgraanmeel
• 55 g koekmeel
• 5 ml (1 t) bakpoeier
• 110 g hawermout
• 100 g pekanneute, ruweg gekap
• 10 ml (2 t) fyngemaalde gemmer
• 2,5 ml (½ t) sout
• 1 eier, liggies geklop

Instructions

1 Voorverhit die oond tot 180 °C. Voer ’n bakplaat met bakpapier uit.
2 Meng die botter, suiker en gouestroop in ’n middelslagkastrol oor matige hitte. Roer deurentyd totdat die botter en suiker gesmelt is.
3 Meng die volgraanmeel, koekmeel, bakpoeier, hawermout, pekanneute, gemmer en sout in ’n middelslagmengbak. Maak ’n gaatjie in die middel.
4 Meng die stroopmengsel en eier by die droë bestanddele in.
5 Meng goed.
6 Rol die mengsel in klein (sowat 35 g) balletjies uit. Pak die koekies op die voorbereide bakplaat en druk die balletjies met jou duim of met ’n vurk effens platter.
7 Bak vir 10-12 min. of tot goudkleurig en gaar. Haal uit en laat op ’n draadrakkie afkoel.

Misokaramel
Miso (beskikbaar by gesondheidswinkels) is gefermenteerde, gestoomde sojaboontjies. ’n Klein bietjie is genoeg om ’n diep umami-geur aan geregte te gee. Dit verryk en verdiep die karamel en is gewis iets wat jy kan probeer.

• 150 g suiker
• 125 ml (½ k) water
• 125 ml (½ k) room
• 15 ml (1 e) donker misopasta

1 Meng die suiker en water in ’n klein kastrol oor matige hitte. Roer tot die suiker gesmelt is en bring tot kookpunt.
2 Kook vir 4-5 min. of tot goudkleurig en die mengsel begin karamelliseer.
3 Trek van die hitte af en voeg die room by en dan die miso en roer tot goed gemeng.

Gesondheidskoekies

Die koekies bevat slegs die natuurlike suiker van die piesang en dadels. Glutenvrye hawermout is beskikbaar by gesondheidswinkels. Hoewel die koekies “beter” vir jou is, moet diabete maar steeds ligloop.

1 Maak die basiese resep soos beskryf maar vervang die suiker en gouestroop deur 2 fyngedrukte piesangs en vervang die volgraanmeel deur bokwietmeel.
2 Voeg 10 gekapte vars dadels (ontpit) en 100 g gemengde sade (soos sonneblomsaad, pampoensaad en lynsaad) by die basiese deeg.
3 Bak soos in die basiese resep beskryf.