Geseënde granate

Met die glansende juweelpitte van ’n granaat kan jy nuwe lewe aan slaaie, souse en nageregte gee. Die pitte kom soms ’n bietjie moeilik van die membrane los. Probeer eers om die skil met ’n houtlepel te slaan. As dit nie werk nie, kan jy die membrane met pit en al in ’n bak water laat lê. Die pitte sal afsak en die membrane na bo dryf. Behalwe mooi, is granate ook heilsaam. Dit is ’n goeie bron van vitamien B, kalium en antioksidante.

Granaatsap is deesdae vrylik beskikbaar, en 100 ml van dié heerlike sap voorsien in 16% van jou daaglikse vitamien C-behoefte.

In seisoen: April