Kook die heel baba-aartappels tot sag. Sprinkel olyfolie oor, geur met sout en gemaalde swartpeper en bak vir 30 min. tot goudbruin en bros.
Kook die boontjies en aspersies vir ’n minuut in borrelende kookwater. Haal uit en dompel in yskoue water. Hou eenkant.
Meng die heuning en suurle-moensap en smeer oor die salm. Geur met sout en peper. Verhit ’n kleefwerende pan oor hoë hitte en braai die salmfilet vir 4 min. aan elke kant of tot gaar.
Slaaisous: Meng die basiese slaaisous met heuning en suurlemoensap.
Opdiening: Meng die slaaiblare, aartappels, boontjies en aspersies in ’n mengbak. Breek die salm in stukkies en voeg by die slaai. Giet laastens die slaaisous oor en sit voor met skyfies suurlemoen.
* Basiese slaaisous 1 liter slaaisous Maak die basiese slaaisous aan die begin van die maand en gebruik dit die res van die maand in slaai en as marinade.