Geroosterde pampoenskywe met tiemie-en-parmesaan-granola
Serves:6Nutrition facts:200 calories20 grams fat
Ingredients
Tiemie-en-parmesaan-granola
¼ k (60 ml) heuning
¼ k (60 ml) bruinsuiker
¼ k (60 ml) olyfolie
1 k (250 ml) hawermout
¼ k (125 ml) pampoensaad
¼ k (125 ml) sonneblomsaad
¼ k (125 ml) gevlokte amandels
¼ k (60 ml) parmesaankaas, fyngerasper
1 e (15 ml) vars tiemie, van die takkies gestroop
Pampoen
2 klein pampoene, in groot skywe gesny en pitte verwyder
½ k (125 ml) olyfolie
sout
Bruinbotter
100 g botter, in blokkies gesny
’n hand vol vars salieblare
Instructions
Voorverhit die oond tot 180 °C.
Verhit die heuning, suiker en olyfolie in ’n kastrol oor matige hitte en roer tot die suiker gesmelt is.
Sit die hawermout, pampoensaad, sonneblomsaad, amandels, parmesaankaas en tiemie in ’n mengbak. Gooi die heuningmengsel oor en meng goed.
Sprei die granola-mengsel eweredig op ’n bakplaat uit en rooster vir sowat 10 min. of tot goudkleurig. Roer gereeld sodat dit eweredig kan rooster. Haal uit, laat afkoel en hou in ’n lugdigte houer.
Pampoen: Pak die pampoenskywe in ’n diep oondpan en bedruip liggies met olyfolie. Geur met sout en gemaalde swartpeper.
Rooster die pampoen vir sowat 45 min. tot gaar en gekaramelliseer. Haal uit.
Verhit die botter in ’n pan oor matige hitte tot die botter goudbruin verkleur en ’n neutgeur ontwikkel. Roer die salie by en trek van die hitte af.
Strooi die granola oor die pampoenskywe en bedruip met die saliebotter.