Genoeg vir 4-6 porsies en ekstra vir die week
• 2 groot, heel vrylopende hoenders (sowat 1,8 kg per hoender)
• 2 klein bossies lourierblare, gewas
• 1 heel knoffelknol, in huisies gebreek
• 1 suurlemoen, in kwarte gesny
seesoutvlokkies
• 60 ml (¼ k) olyfolie
• 2 hande vol piekel-uitjies, geskil
Sous
• 250 ml (1 k) room
• 45 ml (3 e) Dijonmosterd
1 Verhit die oond tot 210 °C. Vryf die hoenders met kombuispapier droog.
2 Sit die hoenders in ’n groot oondbak en geur met sout, ook in die holtes. Vul elke holte met lourierblare, knoffelhuisies en suurlemoen. Gooi die olyfolie oor en smeer oor die hele hoender.
3 Rooster vir 1 uur en 20 min. of tot goudkleurig en gaar. Haal uit.
4 Skep 125 ml van die pansous uit die oondbak in ’n pan. Maak die hoender met foelie toe en laat rus.
5 Verhit die pansous en gooi die room en mosterd by.
6 Kook oor matige hitte totdat die sous verdik.
7 Sit die geroosterde hoender voor met laekoolhidraatgroente soos fyn Franse boontjies, murgpampoentjies en broccolini.
Lees Meer
