• Kombucha is ’n gefermenteerde teedrankie. Tee (rooibos of groen tee) word met behulp van ’n “kultuur” van bakterieë en gis gekweek. Die gis word met suiker gevoed.
• Kefir is ’n spesiale melkkultuur. Jy moet die kefirkorrels koop of by iemand kry om jou eie kefirkultuur te begin.
• Beet-kvass kom oorspronklik uit Rusland. Die superdrankie is propvol voedingswaarde en probiotika en is ook baie goed vir jou lewer.
Beet-kvass
• 1,5 kg beet
• 45 ml (3 e) seesout
• 3,5 liter gesuiwerde water
1 Skrop die beet skoon en sny in 0,5-cm stukke.
2 Verdeel die beet in 3 flesse met ’n inhoudsmaat van 1 liter.
3 Sprinkel die seesout oor en vul met die gesuiwerde water. Bedek die flesse met ’n skoon kombuisdoek en bind vas.
4 Roer elke dag vir 3 weke. Voer ’n sif met ’n nat kaasdoek of skoon kombuisdoek uit en gooi die beet-kvass deur.
