Gebakte koningklip met bros parmaham en suurlemoenkoeskoes

Ingredients

4 x 170 g-koningklipfilette
30 ml (2 e) gesmelte botter om mee te verf
sout en gemaalde swartpeper
1 suurlemoen, in skywe gesny
’n hand vol tiemietakkies
4 papierdun lappies parmaham
Koeskoes
250 ml (1 k) koeskoes
250 ml (1 k) kookwater
30 ml (2 e) botter
sap en fyn gerasperde skil van 1 suurlemoen
100 g (1 pakkie) gevlokte amandels, gerooster
250 ml (1 k) ertjies, gaar
’n hand vol Italiaanse pietersielie, gekap
60 ml (¼ k) parmesaankaas, fyn gerasper

Instructions

Voorverhit die oond tot 200 °C.

1. Verf die filette met botter, geur na smaak en sit in ’n oondpan op die suurlemoenskywe. Strooi die tiemie rondom en bak vir 10 min.
2. Meng intussen die koeskoes en water in ’n bak, bedek en laat rus vir 5 min. Krap met ’n vurk om die korrels los te maak en meng die res van die bestandele deur die koeskoes.
3. Haal die vis uit en bedek elke mootjie met ’n lappie gefrommelde parmaham. Bak vir nog 10 min. of tot gaar. Sit voor met die suurlemoen-koeskoes.

Vlok die oorblywende vis by die res van die koeskoes en roer deur. Sny 1 avokado in blokkies, sprinkel suurlemoensap oor, geur met sout en swartpeper en roer ook deur
die koeskoes. Skep in pitabroodjies, of pak dit net so in.

vis kruie kaas parmaham koeskoes amandels

Rooi Rose

Lees Meer

Spogspyskaart vir Kersfees

18/12/2024

Waatlemoen-en-lemmetjie-slaai

05/12/2024

Braairesepte vir seekos

04/12/2024