Genoeg vir 6

Gebakte broccoli-spinasie-en-okkerneut-pastagebak

Serves: 6 Nutrition facts: 200 calories 20 grams fat

Ingredients

500 g broccoli
200 g (2 k) rou pasta
200 g (4 k) spinasie, in repies gesny
15 ml (1 e) olyfolie
1 groot rooi ui, gesny
2 knoffelhuisies, gekneus en fyn gekap
skil van 1 suurlemoen en 15 ml (1 e) suurlemoensap
’n hand vol basiliekruid, gekap
250 ml (1 k) vetvrye- ongegeurde jogurt
100 g (1 k) mozzarellakaas, gerasper
10 ml (2 t) parmesaankaas, gerasper
50 g (1/2 pakkie) okkerneute, gerooster en gekap

Instructions

Voorverhit die oond tot 180 ºC.
1 Blansjeer die broccoli vir 5 min. in kookwater en dompel dadelik in yswater.
2 Kook die pasta tot gaar.
3 Spoel die spinasie af, sny die blare in repies en blansjeer vir 3 min. in kookwater. Dompel dadelik in yswater.
4 Verhit die olie in ’n braaipan en soteer die uie en knoffel tot deurskynend.
5 Haal af en roer die suurlemoenskil en -sap, basiliekruid en jogurt by.
6 Meng die broccoli, pasta, spinasie en neute en geur goed met sout, swartpeper en neutmuskaat - sommer lekker baie.
7 Sit in ’n oondbestande bak en strooi die kase oor.
8 Bak vir 15 min. of tot die kaas gesmelt en ligbruin is. Sit voor met ’n slaai.