Garnaalroerbraai

Genoeg vir 4

Sous
• 125 ml (½ k) soet brandrissiesous
• 60 ml (¼ k) vissous
• uitgedrukte sap van 1 lemmetjie
• 1 sitroengrasstingel, gerasper

Roerbraai
• 30 ml (2 e) olyfolie
• 15 ml (1 e) gekapte knoffel
• 15 ml (1 e) gekapte gemmer
• 5 ml (1 t) gekapte brandrissie
• 500 g garnale, skoongemaak en doppe afgetrek
• knypie sout
• 250 g fyn Franse groenboontjies
• 10 groen aspersies, in die lengte middeldeur gesny
• ½ groen kool, fyn gesny
• 1 mango, geskil en in wiggies gesny
• 30 ml (2 e) swart sesamsaad
• 60 ml (¼ k) vars gerasperde klapper
• 250 g swart rys, gekook (of gewone rys as jy dit verkies)
• hand vol vars koljanderblare

1 Meng die sousbestanddele in ’n bakkie. Hou eenkant.
2 Verhit die olie oor hoë hitte in ’n groot wok. Voeg die knoffel, gemmer en brandrissie by en roerbraai vir 1 min.
3 Voeg die garnale, boontjies en aspersies by en roerbraai vir 5 min. tot die garnale gaar is, (hulle sal donkerpienk wees). Geur met sout. Skuif die garnale en groente teen die kante van die wok op.
4 Roerbraai die kool vir 1 min. in die middel van die wok. Voeg die sous en mango by en roer- braai vir nog 2 min. Roer tot die sous alles bedek en die kos deurwarm is.
5 Strooi swart sesamsaad en klapper oor. Sit met vars koljanderblare en swart rys voor.