Free State hou SA se naam hoog in die buiteland

Na Free State se internasionale première by die Kolhapur International Film Festival in Desember 2015, is dit by die Chennai International Film Festival, die Bangalore International Film Festival, die Sangli International Film Festival én die Pan African Film Festival in Los Angeles vertoon. Free State is ook onlangs by die Garden State Film Festival in die VSA vereer waar dit die toekenning vir Beste Kinematografie gewen het.

'); googletag.cmd.push(function() { googletag.display('dfp-300x250-1'); }); document.write(''); }

“Ons het dit vreeslik geniet om hierdie rolprent na feesgehore te neem en is oorweldig deur die terugvoer wat ons ontvang het,” het die regisseur, Sallas de Jager, gesê.  “Free State is nie ’n groot prent nie maar het ’n geweldige impak op die gehore by die onderskeie feeste gemaak, en dit is vir enige filmmaker ’n groot kompliment.”

'); googletag.cmd.push(function() { googletag.display('dfp-300x250-6'); }); document.write(''); }

Die prent is geskryf en geregisseer deur die veelbekroonde filmmaker Sallas de Jager en Free State is saam deur De Jager se Bosbok Ses Films en Utkarsh Entertainment aangepak, in samewerking met die Indiese produksiemaatskappy, Parnam Entertainment. Die voormalige supermodel, Nicola Breytenbach, en die gewese Mnr. Suid-Afrika, Andrew Govender, het die hoofrolle gespeel terwyl van die land se bekendste en mees geliefde akteurs deel van die rolverdeling was, soos Leleti Khumalo (Sarafina, Yesterday), Deon Lotz (Roepman, Skoonheid) en Rolanda Marais (Wolwedans in die Skemer, Ballade vir ’n Enkeling). En boonop maak die Marathi- en Bollywood-ster, Mangesh Desai, in Free State sy eerste internasionale verskyning.

'); googletag.cmd.push(function() { googletag.display('dfp-300x250-2'); }); document.write(''); }

Free State speel af inSuid-Afrika in die 1970’s en vertel die storie van Jeanette (Breytenbach), ’n pragtige, oopkop regsstudent. Tydens haar somervakansie in die Vrystaat saam met haar pa, ontmoet sy  ’n aantreklike Indiërman, wat toevallig oor haar pad kom toe hy ’n goeie daad doen en ’n liefdesverhouding ontstaan tussen hulle. Al word sy gewaarsku om nie aan haar gevoelens toe te gee nie, besluit Jeanette om wel ’n geheime verhouding met Ravi te hê.  Wanneer hulle verhouding op die lappe kom, lei dit tot vreeslike tragiese gebeure.

Hierdie rolprent ontgin nuwe terreine omdat dit die eerste rolprent is wat in Suid-Afrika sowel as Indië, met behulp van die produksiemaatskappy, Utkarsh Entertainment en die vervaardiger, Rajiv Terwadkar, uitgereik word.

'); googletag.cmd.push(function() { googletag.display('dfp-300x250-3'); }); document.write(''); }

Free State word deur Times Media Films versprei en sal vanaf 27 April 2016 landwyd in teaters wys.

Lees ook meer hier.