Foto’s: Verskaf/ Mej. Suid-Afrika
Mej. Suid-Afrika, Mia le Roux, het Sondag amptelik na Mexiko vertrek om op 16 November aan die 73ste Mej. Heelal-kompetisie deel te neem.
Mia maak geskiedenis as die eerste dowe deelnemer ooit om Suid-Afrika by die kompetisie te verteenwoordig, en is op ‘n missie om die land se diversiteit ten toon te stel en inklusiwiteit op die globale verhoog te bevorder.
Die Mej. Suid-Afrika-organisasie en Mia het ‘n paar pragtige foto’s van die 28-jarige skoonheid, geklee in ‘n elegante rooi uitrusting deur ontwerper Juan William Aria, op Instagram gedeel . Die foto’s het haar afskeid en opgewondenheid ten toon gestel, met die onderskrif:
“Suid-Afrika…ek dra jou saam! Opgewonde vir die reis van ‘n leeftyd om te begin! Is jy gereed?”
View this post on Instagram
Mia het onlangs haar amptelike veldtog, Mia’s Movement deur Mejuffrou Heelal se Voice for Change-inisiatief bekendgestel . Haar veldtog fokus op maatskaplike kwessies, pleit vir geslagsgelykheid en inspireer gemeenskappe om projekte te ondersteun wat inklusiwiteit teweegbring. Haar missie? Om saam met regeringsliggame, korporasies en NRO’s te werk om kogleêre inplantings te finansier en inklusiewe projekte te lei wat die dowe gemeenskap bemagtig.
Die Mej. Heelal-reis is egter nie net glans nie! Hier is ‘n voorsmakie van haar propvol program:
- 29 – 31 Oktober: Aankomste
- 1 November: Gala de las Catrinas
- 3 – 7 November: Uitstappie
- 12 November: Kroononthulling-skemerkelkiepartytjie
- 14 November: Voorlopige en Nasionale Kostuumskou
- 15 November: Afskeidsmiddagtee met Sheynnis Palacios
- 16 November: 73ste Mej. Heelal-kompetisie finale vertoning
Sterkte mooiste Mia!
Lees ook: Vyf-vinnige-vrae met Mnr. Suid-Afrika, Tiaan Massyn
