Vir 4
BESTANDDELE
15 ml koekmeel
Sout en swartpeper na smaak
4 groot forelle, skoongemaak
32 repies spek
15 ml kookolie
125 g botter
Hand vol vars tiemie
Sap van 2 suurlemoene
METODE
1. Geur die meel met die sout en swartpeper. Doop elke vis in die meel en draai dan 8 repies spek om elke vis.
2. Verhit die olie en 75 g van die botter in ’n groot braaipan tot goed warm. Voeg die tiemie en die vis by en braai die vis vir omtrent 4 minute aan ’n kant. Skep die vis oor op ’n warm opdienbord en gooi die kookolie weg.
3. Vee die pan goed uit met kombuispapier en verhit die res van die botter in die pan. Voeg die suurlemoensap by en giet dan die borrelende mengsel oor die vis en bedien dadelik met gekookte aartappeltjies met ekstra botter en gekapte vars pietersielie.
