Feestelike Kersfeeskaas met Italiaanse wafels deur Vickie de Beer, bygestaan deur Gillionelle Kaba. Foto’s deur Lee Schwagele van crphotography.co.za

Feestelike Kersfeeskaas met Italiaanse wafels

Serves: 6 Nutrition facts: 200 calories 20 grams fat

Ingredients

Kaas
1 kg volroom-dubbeldikjogurt
5 ml (1 t) sout
100 g luukse gemengde neute en droëvrugte (soos bosbessies en rosyntjies)
100 g okkerneute, liggies gerooster en ruweg gekap
100 g pekanneute, liggies gerooster en ruweg gekap
50 g geglaseerde gemmer in stroop
50 g geglaseerde lemoenskywe in stroop
gerasperde skil van 1 lemoen
Italiaanse wafels
185 ml olyfolie
185 ml vrugtige witwyn
200 g koekmeel
5 ml (1 t) sout
heuning vir opdiening

Instructions

Kaas

1 Meng al die bestanddele in ’n groot mengbak.

2 Voer ’n vergiettes met ’n skoon moeseliendoek uit en skep die mengsel in die middel van die doek.

3 Draai die punte styf teen mekaar en bind styf vas met kombuistou.

4 Sit die vergiettes oor ’n ander bak en laat die kaas oornag dreineer. (Jy kan die kaas ook oornag ophang en ’n bak daaronder sit.)

Wafels

1 Gooi die olie en wyn in ’n middelslagmengbak en roer die meel en sout bietjies op ’n slag met ’n balklitser by tot dit goed ingemeng is. Dit moet soos dik pannekoekdeeg lyk.

2 Verhit ’n Italiaanse pizzetta- of ’n gewone wafelpan en skep 2 e van die beslag daarin (skep 4 e beslag in indien jy ’n groot wafelpan gebruik).

3 Bak oor matige hitte aan albei kante tot gaar en goudkleurig.

4 Maak die moeseliendoek oop en keer die kaas op ’n mooi opdienbord uit.

5 Gooi die heuning oor en sit die kaas met die wafeltjies voor.