Vanjaar sien die derde instelling van The Empty Shop, ’n baanbreker inisiatief wat jaar na jaar ’n verstommende aantal klere donasies ontvang. Nie net is dit ’n prettige manier om die feestyd mee af te skop nie, maar dit bied ook die geleentheid om jou deel vir liefdadigheid te doen.
Die konsep is baie eenvoudig: skenk, stileer en maak leeg.
Alle deelnemers word aangemoedig om enige tweedehandse kledingstukke te skenk sodat dit saam met ander donasies as volle uitrustings op winkelpoppe uitgestal kan word. Dié donasies sal dan aan die einde van elke dag bymekaargemaak word sodat die winkel weer leeg en gereed is om die volgende dag se klere te ontvang. Die enigste vereiste is dat klere skoon en in ’n goeie kondisie is.
The Empty Shop is egter nie net oop vir klere-donasies nie, maar aanvaar ook enigiets van bykomstighede tot kinderboeke en –speletjies mits dit alles in ’n goeie kondisie is.
*Alle donasies sal aan HospiceWits geskenk word.
Waar: Checkers Court in Sandton City
Wanneer: 29 Okt. – 20 Nov.
Tyd: 09:00 – 20:00 (Maandae tot Saterdae) 09:00 – 18:00 (Sondae)
Lees Meer
