Die film vertel die fantastiese reis van Belle – ’n slim, beeldskone en onafhanklike jong dame – wat deur ’n lelike gedierte, Beast, in ’n kasteel gevangene gehou word. Ten spyte van haar vrese bevriend Belle die kasteel se betowerende personeel en leer sy om verby Beast se lelike voorkoms te kyk en die vriendelike hart en siel van die Prins in hom te leer ken.
Beauty and the Beast word op 17 Maart 2017 in die Verenigde State vrygestel. Met musiek deur Alan Menkden en Bill Condon as regisseur beloof dit om ’n groot sukses te wees. En wie beter om die rol van Belle te speel as die beeldskone Emma Watson?
In een van die mees ikoniese snitte van die film, kan aanhangers Emma se fenomenale sangtalent hoor.
Ons sien hoe sy haar pad deur die arm klein dorpie dans terwyl sy, soos elke ander oggend, ’n broodrolletjie uit die bakker se skinkbord gryp en oor die dam huppel. Sy dans verby die seuns wat op pad is skool toe en die vroue wat besig is met wasgoed. Haar gedagtes is soos altyd op ’n ander planeet en sien sy uit na haar volgende romantiese boek.
Watson is baie uitgesproke oor die veranderinge wat sy en Condon aan die karakter van Belle aangebring het – van klerestyl tot loopbaan. “Ons wou hê Belle moet ’n rolmodel wees vir jong vroue en daarom is sy ’n bietjie meer feministies as wat aanhangers gewoond is in die oorspronklike weergawe.” Watson het dit al op ’n vorige geleentheid duidelik gemaak dat sy dink Belle is ’n beter rolmodel as Cinderella.
“Belle bly nuuskierig, deernisvol en onbevooroordeeld. En dis die tipe vrou wat ek graag as ’n rolmodel wil uitbeeld, indien ek ’n keuse het,” het Emma in ’n onderhoud met Total Film gesê.
Kyk gerus hoet die talentvolle Emma Watson die karakter van Belle vervolmaak:
Hier kan jy ’n voorsmakie kry van Beauty and the Beast:
