Genoeg vir 6
• 6 eiers, gekook soos beskryf
• 2 knoffelhuisies, baie fyn gekap
• 60 ml (¼ k) crème fraîche
• 30 ml (2 e) volroom- jogurt
• 15 ml (1 e) Dijon-mosterd
• 2,5 ml (½ t) sout
• 2,5 ml (½ t) swartpeper
• 4 repies spek
• 15 g botter
• 6 aspersiepunte
• 50 g bloukaas, gekrummel
• handjie vol grasuie, gesny
1 Verhit die oond tot 180 °C. Sit die spek op ’n bakplaat en bak vir 12 min. of tot bros en krakerig. Haal uit die oond en hou eenkant.
2 Sny die bokante van die eiers af en skep die eiergeel versigtig met ’n teelepel uit sonder om die eierwit te breek. Sny ’n klein stukkie van die onderste deel van die eier af sodat dit kan staan.
3 Verwerk die eiergeel, knoffel, crème fraîche, jogurt, Dijonmosterd, sout en swartpeper in ’n voedselverwerker tot glad.
4 Skep die eiermengsel in ’n spuitsak en spuit die holtetjie van die eiers vol.
5 Verhit die botter in ’n groot pan oor matige hitte. Braai die aspersies vir 2 min. daarin en geur met sout. Krummel die spek in klein stukkies.
6 Druk ’n aspersie in elke eier, strooi die spek, gekrummelde bloukaas en grasuie oor en sit voor.
