Die hele land was geskok toe Kurt Darren op Sondag, 7 Julie 2013, na ’n ernstige motorongeluk in die Netcare Milpark Hospitaal in ICU opgeneem is. Kurt verduur tans baie pyn met 11 gebreekte ribbes en sukkel om asem te haal. Hy sukkel ook met dubbelvisie en kort-termyn geheueverlies.
Al Kurt se optredes is tot einde Julie uitgestel na datums op ’n latere stadium vanjaar. Music Profile Management sal ’n aankondiging maak wanneer hierdie stêr weer al sy treffers na sy aanhangers gaan bring.
Dunay het haar oorseese vakansie kort geknip om aan haar man se sy te wees. In haar woorde “Ek sou nêrens anders op hierdie stadium in die wêreld wou wees, as hier langs my man nie.”
So het Dunay getwiet op haar twitter-profiel @DUNAYNORTJE.
