Duitse bierpotjie

Duitse bierpotjie

Genoeg vir 6

Koop ’n lekker, ingevoerde biertjie soos ’n Weissbier of Leffe se bruinbier vir hierdie potjie.

Bestanddele

• 45 ml (3 e) olyf- of avokado-olie
• 2-3 Duitse worsies, in 8 cm-stukke gesny
• 30 ml (2 e) anyssaad
• 125 ml (½ k) koekmeel
• sout en gemaalde swartpeper
• 1,5 kg kortrib, in blokke gesny
• 2 uie, gekap
• 2 wortels, geskil en in 3 cm-stukke gesny
• 2 knoffelhuisies, gekneus
• 250 ml (1 k) aftreksel
• 375 ml (1 blikkie) Duitse bier
• 2 hande vol baba-aartappels
• 2 appels, klokhuise verwyder en in kwarte gesny
• 1 klein kopkool, in repies gesny
• hand vol salieblare, gekap

Metode

1 Verhit die helfte van die olie in die potjie en braai die worsies tot goudbruin. Haal uit en hou eenkant.
2 Meng die helfte van die anyssaad deur die meel. Geur na smaak en rol die vleis in die meel, verhit die res van die olie en verbruin.
3 Voeg die uie, wortels en knoffel by en verbruin. Geur na smaak.
4 Voeg die res van die anyssaad, aftreksel en bier by. Bedek en prut vir sowat 2 uur tot die vleis sag is.
5 Pak die aartappels, appels, kool, salieblare en worsies laag vir laag bo-op. Bedek en prut vir nog ’n uur of tot gaar.

Lees nog: Beesvleisfrikkadel