Dink voor jy weggooi: Slim wenke vir herwinning. Inligting verskaf deur RecyclePaperZA, verwerk deur Martie Swanepoel. Hooffoto: istock/PORNCHAI SODA
“Met net ’n klein bietjie moeite kan Suid-Afrikaners hul rommel beter herwin,” sê Anele Sololo, voormalige bestuurder van die Suid-Afrikaanse herwinningsassosiasie, RecyclePaperZA.
“Jy gooi waarskynlik baie papierprodukte weg wat jy nie eens weet herwinbaar is nie,” sê sy.
Lees ook: Maak jou kind “groen” groot
Sorteer is die eerste stap
’n Verskeidenheid huishoudelike papierprodukte wat in die kombuis, kantoor en badkamer gebruik word, is herwinbaar.
Die volgende stap is om dit by ’n versamelpunt te besorg.
In die geval van papier word dit in verskillende katergorieë verdeel – wit papier, tydskrifte, karton en verpakking vir vloeistowwe. Die papier word na ’n papiermeule geneem om in verskillende produkte te verwerk.
Lees ook: Herwin tuis – dis makliker as wat jy dink!
iStock/Rawpixel
Ken jou herwinningsprodukte!
Dit sal jou verstom om te weet wat is alles herwinbaar
Badkamer:
- Kartonrolle van toiletpapier
- Papierverpakking van tandepasta, skoonheidsprodukte, medikasie en snesies
Lees ook: 9 maklike maniere om plastiekvry te lewe
Kantoor:
- Papier-koppies (geen polistireen)
- Tydskrifte en joernale
- Sagteband boeke (dit wat jy nie aan ’n biblioteek kan skenk nie)
Die voordeur:
- Pos – as jy nog ontvang, insluitend koeverte, advertensiebiljette, poskaarte
- Tydskrifte
- Koerante
- Kartonbokse van aanlyn-inkopies
Lees ook: 10 stappe nader aan ’n zero waste leefstyl
Kombuis:
- Bokse van ontbytpap, koekies, tee, pasta, suiker, hondebeskuitjies
- Melk of sap-kartonne
- Pizza-bokse en ander skoon wegneem-ete bokse
- Eier-kartonne en wegneem koffiekoppies
- Papiersakke
- Kartonrolle van papierhanddoeke
Lees ook: Drie maniere hoe jy vanjaar meer eko-vriendelik kan eet
Lees Meer
