Die winter is hier: 11 interessante feite oor Game of Thrones

via GIPHY

5. Kit Harrington (wat die rol van Jon Snow vertolk) het by sy oudisie opgedaag met ’n blou-oog

Die aand voor sy oudisie vir Game of Thrones het Kit Harrington en ’n meisie met wie hy op daardie punt uitgegaan het, by McDonald’s gaan eet. Omdat die McDonald’s baie vol was, het Kit en sy meisie sommer ’n tafel met ’n ander paartjie (wat hulle nie ken het nie) gedeel.

Kort nadat hulle begin eet het, het die man oorkant hulle onbeskofte dinge oor Kit se metgesel begin sê. Ongelukkig het Kit eers nadat hy opgestaan het om dié ongeskikte vreemdeling aan te vat besef hoe lank en groot sy teenstaander sou wees.

Om ’n lang storie kort te maak, Kit is daardie aand huis toe met ’n groot kopseer en ’n blou-oog, maar hy glo dat sy beskadigde gesig deel is van hoekom hy aanvanklik die rol gekry het.

6. Sophie Turner het vir Lady aangeneem

Sophie Turner – wat die rol van Sansa Stark vertolk – het vir Zunni, die hond wat haar troetelwolf in die eerste seisoen gespeel het, aangeneem. Sy vertel dat sy nog altyd as klein dogtertjie ’n hond wou hê, maar dat haar ouers dit nie wou toelaat nie.

“Ek het op stel verlief geraak op my karakter se troetelwolf, Lady. En nadat Lady in Game of Thrones dood is, wou hulle haar hervestig, maar my ma het hulle oorreed om ons toe te laat om haar aan te neem.”

Ongelukkig is Zunni in 2017 dood.

7. Dothraki is werklik ’n taal!

In 2014 het Living Language ’n taalkursus vrygestel waarop jy binne weke kan leer hoe om soos Khal Drogo te praat. Die kursus is vervaardig deur die taalkundige David J. Peterson, wat saam met HBO gewerk het om die Dothraki te skep wat ons vandag op die program hoor.

8. Baie van die karakters wat dood is in die reeks, is steeds lewendig in die boeke

Meer as net ’n handjievol van die karakters wat reeds op die program dood is, is steeds lewendig in R.R. Martin se boeke. Van dié karakters sluit in: Shireen en Stannis Baratheon, die Night’s Watch se Pyp en Grenn, Barristan Selmy, Myrcella Baratheon, en Mance Rayder.

9. Dit het meer as $10 miljoen per episode gekos om die sesde seisoen te verfilm

Game of Thrones is ’n duur produksie, en jy kan elke sent wat bestee word beslis op die skerm sien – veral gedurende die sesde seisoen. Die verslaggewer, James Hibberd, het in Entertainment Weekly geskryf: “Op die stadium kos die reeks meer as $10 miljoen per episode, maar jy sien nie dat HBO daaroor klagtes het nie.”

Tech Insider het genoem dat dit ’n reuse sprong is sedert die tweede seisoen toe die vervaardigers verklap het dat hulle HBO moes smeek vir ʼn ekstra $2 miljoen om die “Battle of Blackwater” te verfilm – wat op daardie stadium die prys van die episode tot $8 miljoen opgestoot het.

Met die verloop van tyd het die reeks gegroei en meer geld, werk en insette vereis. Byvoorbeeld, die vyfde seisoen van GoT is in 5 lande op 151 stelle verfilm deur filmspanne van meer as 1 000 mense in totaal. Dit het 240 dae geduur, en 166 akteurs en meer as 5 000 ekstras was deel van die produksie.

10. Peter Dinklage was die enigste akteur wat vir Tyrion oorweeg is

Toe hulle oorspronklik begin het met die reeks het, het George R.R. Martin gesê dat daar slegs twee rolle was waaroor hy en die vervaardigers onmiddellik saamgestem het: Peter Dinklage vir Tyrion Lannister en Sean Bean vir Ned Stark. Martin het gesê dat hulle nooit iemand anders vir Tyrion ingedagte gehad het as Peter Dinklage nie – en gelukkig het niemand anders vir die rol ’n oudisie afgelê nie.

Maar, Peter het oorspronklik amper die rol geweier omdat dit in die fantasie-genre is. Peter Dinklage het in ’n Reddit AMA verduidelik: “Ek was onseker oor die rol om een rede: die fantasie-genre. Ek het vir hulle gesê dat ek nie ’n lang baard en puntskoene wil hê nie, en hulle het my verseker dat my karakter en dié fantasie-wêreld nie so sou wees nie. Hulle het my van my karakter se kompleksiteit vertel, die feit dat hy nie ’n held óf ’n skurk was nie, dat hy ’n rokjagter en ’n drinker was. Hulle het ’n gebrekkige maar pragtige idee van hom geskep en daarom het ek ingestem op Tyrion te speel.”