Die wêreld rou saam oor die ikoniese Notre Dame-katedraal

Die wêreld rou saam oor die ikoniese Notre Dame-katedraal – Deur Zoë Salzwedel. Foto’s: Pixabay

'); googletag.cmd.push(function() { googletag.display('dfp-300x250-1'); }); document.write(''); }

'); googletag.cmd.push(function() { googletag.display('dfp-300x250-6'); }); document.write(''); }

Dié ou argitektoniese skat is een van die gewildste toeriste-aantreklikhede op die planeet met ’n beraamde 13 miljoen besoekers per jaar.

'); googletag.cmd.push(function() { googletag.display('dfp-300x250-2'); }); document.write(''); }

Die Notre-Dame katedraal in Parys is ’n Katolieke kerk wat duisende aanbidders van regoor die wêreld lok, en staan bekend as “Our Lady of Paris”.

Dit was al ryk inspirasie vir skrywers soos Victor Hugo, en word beskou as een van die mees kultureel betekenisvolle en onmiddellik herkenbare geboue op die planeet.

'); googletag.cmd.push(function() { googletag.display('dfp-300x250-3'); }); document.write(''); }

Brandbestryders het daarin geslaag om die 850-jarige Gotiese gebou se hoofsteenstruktuur en twee torings te red, maar die toringspits en dak het ineengestort.

Die Notre-Dame katedraal het vir ’n beraamde nege uur gebrand voordat die brand “onder beheer” verklaar is.

Die oorsaak van dié hartverskeurende brand is nog nie duidelik nie, maar amptenare sê dat dit moontlik gekoppel kan word aan uitgebreide opknappingswerk wat reeds aan die gang was.

Wat het gebeur?

Die vuur het omstreeks 18:30 begin brand, en het vinnig die dak van die katedraal bereik. Die vlamme het die ikoniese vensters van gebrandskilderde glas en die houtbinneste verwoes voordat dit die toringspits bereik en ook in vlamme laat ontbrand het.

Vrese het begin groei dat die katedraal se beroemde torings ook deur die vlamme vernietig sou word. Maar terwyl ’n aantal brande in die torings begin het, het die Franse minister van binnelandse sake, Laurent Nuñez, gesê dat hulle suksesvol geblus is voordat hulle kon versprei.

Teen Dinsdag, 16 April 2019, in die vroeë oggendure is die brand onder beheer verklaar, hoewel dit na verwagting ’n paar dae sal neem om heeltemal uit te doof.

Wat is die skade?

BBC News het berig dat ondersoekspanne reeds begin het om die omvang van die skade te assesseer. Die katedraal se swartgebrande klipmure en verkoolde steierwerk is vir die eerste keer aan toeskouers getoon.