Die mooiste foto’s van Archie Harrison se doop

Die mooiste foto’s van Archie Harrison se doop deur Catherine Schenck. Hooffoto: ROTA/Chris Allerton/SussexRoyal

Prins Harry en Meghan, hertog en hertogin van Sussex, se babaseuntjie, Archie Harrison, is die afgelope Saterdag, 6 Julie 2019, in die Private Kapel by Windsorkasteel gedoop. Dit was glo ’n klein, intieme funksie en die Aartsbiskop van Canterbury het die diens gelei.

Lees ook: Die heel eerste foto’s van Archie Harrison Mountbatten-Windsor!

Op hul Instagram-blad het die hertog en hertogin almal vir hul ondersteuning en mooi wense bedank: “Die hertog en hertogin van Sussex is so bly om die vreugde en van hierdie dag met lede van die publiek te deel, wat so ondersteunend was sedert die geboorte van hul seun. Hulle bedank julle vir jul welwillendheid en dat julle hul vreugde oor hul eersteling deur hierdie spesiale geleentheid saam met hulle vier.”

Hulle noem ook dat hulle baie bevoorreg voel om die dag met familie en Archie se peetouers te kon deel.

Lees ook: Harry en Meghan deel foto’s van hul eerste huweliksherdenking

Op sosiale media deel die koninklikes die mooiste foto’s van Archie Harrison se doop – soos hierdie gesinsfoto!

View this post on Instagram

This morning, The Duke and Duchess of Sussex’s son, Archie Harrison Mountbatten-Windsor was christened in the Private Chapel at Windsor Castle at an intimate service officiated by the Archbishop of Canterbury, Justin Welby. The Duke and Duchess of Sussex are so happy to share the joy of this day with members of the public who have been incredibly supportive since the birth of their son. They thank you for your kindness in welcoming their first born and celebrating this special moment. Their Royal Highnesses feel fortunate to have enjoyed this day with family and the godparents of Archie. Their son, Archie, was baptised wearing the handmade replica of the royal christening gown which has been worn by royal infants for the last 11 years. The original Royal Christening Robe, made of fine Honiton lace lined with white satin, was commissioned by Queen Victoria in 1841 and first worn by her eldest daughter. It was subsequently worn for generations of Royal christenings, including The Queen, her children and her grandchildren until 2004, when The Queen commissioned this handmade replica, in order for the fragile historic outfit to be preserved, and for the tradition to continue. Photo credit: Chris Allerton ©️SussexRoyal

A post shared by The Duke and Duchess of Sussex (@sussexroyal) on Jul 6, 2019 at 8:14am PDT

In die amptelike foto is die volgende familielede te siene:

Sittend: Camilla, hertogin van Cornwall, Harry, hertog van Sussex, Archie Harrison Mountbatten-Windsor, Meghan, hertogin van Sussex en Catherine, hertogin van Cambridge.
Staande: Charles, Prins van Wallis, Me. Doria Ragland, Lady Jane Fellowes, Lady Sarah McCorquodale, en William, hertog van Cambridge.

Lees ook: Trek jou kind soos ’n koninklike aan

Die dooprok

Harry en Meghan het die koninklike tradisie voortgesit deur die koninklike dooprok te gebruik. Hierdie kledingstuk het ’n interessante verhaal!

Volgens die koninklikes is die dooprok wat Archie gedra het ŉ handgemaakte replika van die dooprok wat deur koningin Victoria vir haar eersteling in 1841 laat maak is. Dié rok is gemaak van ragfyn Honiton-kant en satyn en is daarna deur die koninklike familie gebruik wanneer ŉ babatjie gedoop moes word. Koningin Elizabeth, haar kinders én kleinkinders is almal ook in dié rok gedoop, maar in 2004 het Elizabeth ŉ replika van dié rok laat maak sodat die oorspronklike een behoue kan bly.

Die afgelope 11 jaar is al die babas in die koninklike familie in dié replika gedoop.

Loer net hier!

Ons het een van ons ou voorblaaie gevind met Archie se pa, Harry, en sy ouma Diana tydens Harry se doop! Harry dra die oorspronklike dooprok.

Het jy geweet?

Ons het ons eie podsendingskanaal met die wonderlikste gesprekke, #rrRADIO! Ons het ’n vervolgverhaal genaamd Botox, Barbies en Bietse; Ilse Salzwedel gesels met bekendes op Tee & Taai Toffies; en Mariette Snyman verken vroulike seksuele gesondheid en gelukkige verhoudings op Tussen Ons. Luister sommer nou – dis gratis!