Die Karoo Nasionale Park is bekend vir sy skilderagtige landskappe en rustigheid, maar daar is nou ’n ander rede om na die gasvryheid te kyk. Deur ’n paar nagte daar deur te bring, sal jy besef waarom hulle vanjaar ‘n sertifikaat van uitnemendheid van die internasionale reiswebtuiste, TripAdvisor, ontvang het.
Dit is die wêreld se grootste webwerf wat toeriste help om die perfekte reis te beplan. Dit bied betroubare raad van ander reisigers en ’n wye verskeidenheid keuses en beplanningsfunksies met maklike skakels na besprekingfasiliteite.
TripAdvisor-handelsmerk webwerwe vorm die grootste reis-gemeenskap ter wêreld en het byna 26 miljoen unieke maandelikse besoekers en bevat meer as 150 miljoen resensies en menings van reisigers oor meer as vier miljoen akkommodasie-fasiliteite, restaurante en toerisme-aantreklikhede. Die webwerwe word in 41 lande wêreldwyd bedryf.
Hierdie gesogte toekenning vorm deel van TripAdvisor se veldtog ter viering van gasvryheid en uitnemendheid regoor die wêreld.
Dit is gebaseer op die kwaliteit van die resensies en menings oor die afgelope jaar en dui dat die park konsekwent uitstaande terugvoer van TripAdvisor se reisigers gekry het wat hierdie pragtige deel van die Karoo besoek het. Park-bestuurder Nico van der Walt sê: “Ons is baie nederig oor hierdie erkenning. Die sertifikaat is ’n bewys dat ons ’n wenspan is hier by Karoo Nasionale Park, en dat ons iets reg doen.”
“Van die oomblik wat gaste deur ons voorhek ry doen ons moeite om hulle welkom en tuis te laat voel. Hierdie tendens geld oral in die park waar gaste kontak met enige van ons personeellede het of ons geriewe en aktiwiteite gebruik.
“Die spanlede almal streef om die beste moontlike ervaring te bied terwyl gaste hier is – ’n tuisgemaakte Karoo-gasvryheid – en dit werk aangesien die erkenning dit bevestig,” sê Van der Walt.
Lees Meer
