Die jongste kombuistendense waarvan jy nou moet weet

Die jongste kombuistendense waarvan jy nou moet weet deur Cornel Dunn en Elandrè Swart. Hooffoto: pexels

Slim stoorplekke

Daar is ’n neiging om baie fokus te plaas op ’n skoon uitleg; daarvoor is slim stoorplekke noodsaaklik sodat jou kombuis netjies kan lyk, maar steeds alles kan huisves.

Lees ook: Organiseer jou huis met stylvolle stoorplekke

Piouter en kanongrys is groot nuus

Dit is nie so hard soos swart of spesifiek soos koper of goud nie, maar dit skep tekstuur en diepte.

Oop rakke

Vervang kombuiskaste teen die muur deur metaal-, hout- of glasrakke te installeer. Gebruik hierdie uitstalruimte om jou kombuis te verpersoonlik – minimalisme is glo uit!

Lees ook: Die 11 grootste dekorneigings waarvan jy nou moet weet

Antiek-sjiek

Hierdie dekortendens is terug! Tog het dit nou ’n natuurlike basis, dink aan klip, rottang en outydse beligting.

Lees ook: Agter die kleurryke skerms van rooi rose se dekorartikels

Kleurryke stoffering

Skryf dit neer: 2019 is amptelik die einde van wit kombuise. Gestoffeerde kombuisstoele of ’n Romeinse blinding maak ’n terugkeer en voeg kleur en persoonlikheid by jou kombuis.