Die Haaie: Curriebeker-kampioene én wenners van ons harte! Deur Zoë Salzwedel. Hooffoto: Wavebreakmedia/istock images
Of jy nou ’n stoere ondersteuner van die Haaie is of nie, is een ding seker: Hulle is beslis ’n rugbyspan met hope gees! Dis nie net hulle rugby nie, maar ook hulle manewales op sosiale media wat ons gaande het. Dis duidelik dat rugby maar net een van die “sports”-soorte is waarin hulle uitblink. Boonop lyk hulle behoorlik in hulle element voor die kamera!
Ons het ’n bietjie op hulle sosiale media platforms gaan rondkrap en op ’n klomp lekkertes afgekom. Die Haaie is mal daaroor om parodie-video’s te maak. Hulle het reeds hulle ritmiese danspassies en indrukwekkende spiere op gewilde trefferliedjies soos Vanilla Ice se Ice Ice Baby, Snoop Dogg en David Guetta se Make You Sweat en Backstreet Boys se Everybody (Backstreet’s Back) vertoon.
Allesbehalwe ysig:
Nie eens die Backstreet Boys het so goed gelyk in hul musiekvideo nie:
#OurSharks ARE BACK IN TOWN! We head into the clash at JONSSON KINGS PARK this weekend and are looking to ‘rock some bodies’ in the next step towards Currie Cup victory.#OurSharksForever pic.twitter.com/NO0K8CoTwA
— The Sharks (@TheSharksZA) October 16, 2018
Op die veld of in die gym, die Haaie rus tog nooit nie:
Verder het hulle gelukbringer, Sharkie, sy eie weergawe van die #BabySharkChallenge gemaak om ondersteuners te motiveer om na hulle wedstryde te kom kyk, en laai die Haaie dikwels kort video-onderhoude met hulle spelers op hulle sosiale media.
Sharkie: #BabySharkChallenge
Met sewe Curriebeker-titels agter hul naam, is die Haaie beslis een van Suid-Afrika se gunstelinge, en ook die vierde suksesvolste provinsiale rugby-unie in die land. Dit was ook die vierde eindstryd in ’n ry tussen die WP en die Haaie waar die besoekende span gewen het.
View this post on Instagram
@sharksrugby celebrate winning the #CurrieCup at Newlands (? Gordon Arons/Gallo Images).
Interessante feit
Het jy geweet dat daar drie boeties vanjaar vir die Haaie speel? Die tweelingboeties Daniel en Jean-Luc Du Preez, en hulle ouer broer Robert Jnr Du Preez, speel almal vir die Haaie. En asof dít nog nie indrukwekkend genoeg is nie, kan ons hulle pa Robert James Du Preez (beter bekend as Robert Snr) by die mengsel ingooi. Robert Snr is ’n voormalige Suid-Afrikaanse Springbokspeler en ook die huidige hoofafrigter van die Haaie se Super Rugby en Curriebeker-spanne.
Ons almal het geweet dat hulle rugby kan speel, maar wie sou nou ooit kon raai dat dié rugbymanne ook kan dans? Op watter liedjie dink jy moet die Haaie volgende ’n parodie maak?
Lees Meer
