Die Getaway-skou: ’n Skou vir avontuurlustiges. Inligting en foto’s verskaf.
Gaan maak van 14-16 September 2018 ’n draai by die Ticketpro Dome in Gauteng vir die jaarlikse Getaway-skou. Dit is die regte plek om jou Desember-vakansie of jou droom-avontuur te beplan en vind slegs ’n week voor braaidag plaas …
Meer as 22 000 besoekers word verwag. Honderde uitstallers sal kampeergereedskap, avontuur- en buitelugdrag, 4X4-produkte, karavane, motorhuise, motors, sleepwaens, reisbestemmings, akkommodasie en toebehore uitstal.
Die familievriendelike geleentheid bied onder meer ’n klimmuur, fotografie-werkswinkels en ’n handwerk- en voedselmark. Daar sal ook ’n kinder-area, kosstalletjies, ’n biertent, sportaktiwiteite en musiek wees.
Van die hoogtepunte wat jy kan verwag, is spesiale aanbiedinge, die nuutste produkte, die beste voertuie (woonwaens én sleepwaentjies) vir jou avonture, kombuistoerusting, reis-idees en pryse wat gewen kan word.
Kaartjies
Kaartjies is aanlyn beskikbaar sowel as by die deur. Kry joune hier.
Kaartjiepryse
R80 vir volwassenes
R40 vir studente en pensioenarisse
R150 vir ’n gesins-groepkaartjie
Kaartjies vir kinders onder 12 is gratis by die deur
Ure
Vrydag: 10:00 – 18:00
Saterdag: 09:00 – 18:00
Sondag: 09:00 – 16:00
Vir meer inligting besoek www.getawayshow.co.za
Besoek hulle sosiale media platforms by:
- Twitter: @GetawayShow
- Instagram: @GetawayShow
- facebook: Getaway Show
Lees Meer
