Die beste tamatiesous | rooi rose
Mon-Fri 09.00 - 17.00

Die beste tamatiesous

09/10/2023

~

Ek gebruik dié basiese tamatiesous altyd as pastasous. Dis min of meer dieselfde vir my bolognaise, maar dan voeg ek 1 kg maer maalvleis by. Dis altyd ’n uitdaging om seker te maak die kinders kry genoeg groente in. Met dié sous kry hulle dit in sonder dat hulle weet!

Die beste tamatiesous

Ingredients

  • 1 ui, fyn gekap
  • 2 knoffelhuisies, fyn gekap
  • 30 ml (2 e) olyfolie
  • 3 selderystokkies, fyn gekap
  • 2 wortels, ruweg gerasper
  • 2 x 410 g-blikkies heel geskilde tamaties
  • 30 ml (2 e) tamatiepasta
  • 5 ml (1 t) suiker, indien nodig
  • sout en gemaalde swartpeper
  • bouquet garni gemaak van 2 lourierblare, ’n paar takkies tiemie, ’n paar takkies pietersielie

Instructions

1 Braai die uie en knoffel in olyfolie tot sag en deurskynend. Voeg die seldery en wortels by en braai tot sag.
2 Gooi die tamaties in hul sap by die uiemengsel, en druk die tamaties met die agterkant van ’n vurk fyn.
3 Voeg die tamatiepasta by en proe. As dit te suur is, voeg ’n knypie suiker by. Geur met sout en peper.
4 Voeg die bouquet garni by en bedek. Prut liggies vir sowat 10 min. Haal die bouquet garni uit en sit met jou gunstelingpasta voor.

 



Avatar
Rooi Rose

Lees Meer

Vinnige salmpasta
18/12/2024
Blitsidees met perskes
17/12/2024
Waatlemoen-en-lemmetjie-slaai
05/12/2024




Send this to a friend