kategorieë: Blogs

Dans oor die Duine: 6 Junie

Ek lê ken-diep in ’n bad vol rose. ’n Dik, wit melkmasker bak onder die warm handdoek op my kop terwyl ’n Balinese vrou my skouers masseer.

'); googletag.cmd.push(function() { googletag.display('dfp-300x250-1'); }); document.write(''); }

Is dit geluk? wonder ek met ’n ongemaklike krieweling in my middel.

'); googletag.cmd.push(function() { googletag.display('dfp-300x250-6'); }); document.write(''); }

Vandat ek ’n week gelede op Denpasar-lughawe geland het, is al my sintuie oorweldig. Wierook, bromponietoeters en die soet geur van frangipani. Die gekekkel van spaza-eienaars wat pryse beding en die dreuning van die simbaal in die jogasaal. Die klam hitte. Die glimlagte.

'); googletag.cmd.push(function() { googletag.display('dfp-300x250-2'); }); document.write(''); }

En dan stilte as ek deur die ryslande stap. Stilte.

Op die muur van die Spa hier in Ubud, Bali hang ’n sê-ding van Buddha: "A happy person is not a person in a certain set of circumstances, but rather a person with a certain set of attitudes."

'); googletag.cmd.push(function() { googletag.display('dfp-300x250-3'); }); document.write(''); }

Oor middagete, met my voete in ’n moddermengsel gedruk, bepeins ek die reis wat voorlê: In Oktober gaan ek vir ’n maand lank deur die Namib-woestyn stap. Ek gaan 20 kg op my rug abba. Geen vars water, geen toilet, geen drukkies van my kinders nie, en verseker geen masserings van Balinese terapeute nie!

Kan ek net so tevrede met myself wees in die dor woestyn as hier in die idilliese trope?

Ek word hierdie jaar 40 – daarom dan die besluit op ’n pelgrimstog. Hopelik sal ek, en avonturier Anette Grobler wat saam met my die 680 km deur die woestyn stap, veilig op my verjaardag in Walvisbaai aankom. Te voet. Oor die duine.

Ons stap gaan natuurlik oor meer as net persoonlike verryking. Daar is ’n heerlik-opwindende gemeenskapsprojek hieraan gekoppel… maar meer daaroor later. Ek en jy het immers 5 maande se gesels wat voorlê!

Ek nooi jou om saam met my te reis. Van vandag af, waar ek hier in Bali ’n geestelike reis begin, dwarsdeur my 17 weke oefenprogram om ‘woestyn-fiks’ te word. Dan, tree vir tree deur die Namib-woestyn vir 26 dae, tot aan die anderkant uit… my veertigs in!

Dalk sien jy jouself iewers tussen my skryfsels raak. Of dalk hou jy net my malligheid van ’n afstand af dop. Hoe dit ook al sy, neem gerus deel aan die gesprek. Ek glo dat vroue mekaar die beste ondersteun. Ek glo ook dat ons ’n wonderlike, sterk spesie is wat verandering kan dryf – hetsy in onsself of in ons gemeenskap.

Nou ja, as Elizabeth Gilbert kan Eat Pray Love, kan ek seker ook.

Hou vas jou hoed, hier gaan ons!

Namaste.


Deel
Gepubliseer deur
Rooi Rose
Tags: blogsNamib

Onlangse plasings

‘The Mommy Club’ se Johandri: “As dit soos hoërskooldrama voel, hou ek my afstand”

Showmax se gewilde werklikheidsreeks, The Mommy Club: Van die Hoofstad bied ’n vars, maar soms…

1 day Gelede

Nuwe herfsspyskaart by Creation is meer as kos en wyn

Deur Maryke Roberts. Foto’s: Clifford Roberts     Creation het ook pas by die Eat…

1 day Gelede

Koek met sjokolade en souterige karamel

Lewer 1 groot koek   Bestanddele   Karamel met sout 200 g suiker 60 ml…

1 day Gelede

Vyf vrae aan Anna Davel oor Suidoosterfees se ‘Konsert van Hoop’

Die 22ste Suidoosterfees word ingelui deur ’n indrukwekkende konsert van populêre en klassieke musiek. Anna…

1 day Gelede

Vyf-vinnige-vrae-Vrydag met Kristen Raath oor ‘Niggies’ en ma-wees op skerm

Hooffoto: Stavros Cassapis   Sedert die eerste episode van Niggies op kykNET uitgesaai is, het…

2 days Gelede

PAS BEKEND | Nuwe kykNET-reeks verken dramas en intriges van nuuskantoor

Adri Joubert was vir twee dekades die koel, kalm, gerusstellende gesig en stem van die…

2 days Gelede

Hierdie webwerf gebruik koekies.