Sit die olyfolie, knoffel en suurlemoenskil in ’n glasmeng-bak. Sny die filet in 4 steaks van sowat 200 g elk. Marineer die steaks vir 2-3 uur in die geurige olie (vir baie goeie geur laat oornag in die yskas).
Haal die vleis uit die oliemengsel en dreineer op kombuispapier. Gooi die geurige oliemengsel in ’n middelslagkastrol en hou tot benodig.
Verhit die botter en olie in ’n braaipan oor matige hitte. Seël die steaks en braai vir sowat 5 min. tot goudkleurig aan die buitekante.
Verhit die geurige oliemengsel in die kastrol tot sowat 70 ˚C (toets die temperatuur deur jou vinger in die olie te sit sonder dat dit jou brand).
Sit die steaks in die olie en posjeer vir sowat 8-10 min. as jy van pienk tot medium steak hou. Indien jy dit gaarder verkies, hou vir 10-15 min. in die olie.
Haal die steaks uit en dreineer op kombuispapier. Sny in dun lappies en sit met die pangrattato voor.
1 roosmaryntakkie, blaartjies afgestroop en fyngekap
3 e (45 ml) dennepitte
skil van een suurlemoen, fyngerasper
Verhit die oond tot 180 ˚C. Meng al die bestanddele behalwe die suurlemoenskil in ’n mengbak. Gooi die mengsel in ’n oondpan en versprei eweredig.
Rooster vir 5-8 min. of tot goudkleurig en bros. Roer elke 2-3 min. deur die broodkrummels om seker te maak hulle verbruin eweredig. Haal uit en laat afkoel.
Roer die suurlemoenskil deur die geroosterde mengsel, geur met sout en strooi net voor opdiening oor die filet.