Chiffonkoek met nougatvulsel

Bestanddele

Koek

• 270 g koekmeel
• 2 ml (½ t) sout
• 300 g suiker
• 15 ml (1 e) bakpoeier
• 125 ml (½ k) kookolie
• 190 ml (¾ k) water
• 6 eiergele
• 15 ml (1 e) gerasperde lemoenskil
• 15 ml (1 e) gerasperde suurlemoenskil
• 250 ml (1 k) eierwitte
• 2 ml (½ t) kremetart

Versiersel 

• Room 250 g botter en
• 125 ml (½ k) gesifte versiersuiker saam tot lig.
• Voeg 193 g kondensmelk drupsgewys by
• Klits 5 ml (1 t) vanieljegeursel,
• 5 ml (1 t) suurlemoensap,
• 1,2 ml (¼ t) amandelgeursel en
• 5 ml (1 t) kremetart saam en vou
• 250 g Moir’s-glansvrugte, liggies gekap, by

Metode

Voorverhit die oond tot 170 °C.

1. Sif die koekmeel, sout, suiker en bakpoeier in ’n groot mengbak.
2. Maak ’n holte in die middel en gooi die olie, water, eiergele, lemoen- en suurlemoenskil daarin.
3. Klop goed saam.
4. Klits die eierwitte en kremetart in ’n ander mengbak tot dit stywe punte vorm, maar moenie droog klits nie.
5. Vou die eerste mengsel in die eierwitte in – werk lig maar deeglik sodat geen eierwit sigbaar is nie.
6. Skep in ’n ongesmeerde losboom-chiffonpan.
7. Bak eers vir 1 uur by 170 °C en dan vir 10 min. by 180 °C, of tot ’n toetspen skoon uitkom.
8. Haal uit die oond en draai die pan om sodat dit op sy voetjies staan en laat heeltemal afkoel. Druk die koek versigtig van bo-af uit die pan uit.
9. Sny die koek in twee lae en smeer die versiersel tussen die lae en bo-oor die koek.