kategorieë: Ons menseBekendes

Carike Keuzenkamp: soos goeie wyn

Dit is byna onmoontlik om te glo dat die mooi vrou met die fletsblou oë die volk reeds twee en veertig jaar lank vermaak. Maar vandag is Carike Keuzenkamp net die ouma van die twee knapies van haar oudste dogter, Carla. Carike, opmerklik skraler as tevore, lyk gemaklik in haar denim en is ’n natuurlike entertainer.

'); googletag.cmd.push(function() { googletag.display('dfp-300x250-1'); }); document.write(''); }

As Carike oor haar koppie loer, is daar buiten ’n paar kraaispoortjies niks wat haar 62 jaar verklap nie. “Mense komplimenteer my soms oor my voorkoms, ja,” lag sy.

'); googletag.cmd.push(function() { googletag.display('dfp-300x250-6'); }); document.write(''); }

“Nee, ek het nog nooit enige kosmetiese chirurgie gehad nie, nie eens rekonstruksie ná my siekte nie.”

'); googletag.cmd.push(function() { googletag.display('dfp-300x250-2'); }); document.write(''); }

Oor die grootmaak van haar drie kinders het Carike geen berou nie. “Al was ek nie ’n baie streng ma nie, was daar vir seker reëls. Hulle het baie vryheid gehad om hul eie keuses uit te leef. Ek was, en is steeds baie betrokke by my kinders. Ek was een van die ma’s wat jy gereeld in die snoepie sou aantref! Dit was goeie tye en ek wou niks misloop nie. Werner het my selfs later saamgesleep klubs toe om na die nuwe
musiekgroepe te luister.

“Met die geboorte van my eerste kleinkind het ek besluit om my vroeëre kinder-musiek weer op te neem. Die musiek het ’n nuwe, vars klank gehad en die gewildheid daarvan het my stoutste verwagtinge oortref. My Carike in Kinderland-CD het ’n reeks geword en trek nou al by nommer vyf!

'); googletag.cmd.push(function() { googletag.display('dfp-300x250-3'); }); document.write(''); }

“Maar ek het nogtans ’n behoefte gehad om so ’n ietsie ekstra aan die Kinderland-reeks te gee, en dit het tot die ‘geboorte’ van Ghoempie, my DVD-karaktertjie gelei.”

Ghoempie was saam met Carike in Kinderland en gou-gou was hy ’n gunstelingkarakter onder haar Kinderland-aanhangers. Nog DVD’s het gevolg en die sesde Carike en Ghoempie in Kinderland-DVD word in September uitgereik.

Maar saam met die goeie in haar lewe het daar ook ’n slegte tyd gekom toe borskanker sowat vyftien jaar gelede by haar gediagnoseer is. Carike het gereeld mammogramme en borssonars gehad, maar alles was oënskynlik normaal.

“Die dokters het my verseker dat ek slegs digte borsweefsel het, maar ek het my instink gevolg en weer daarna laat kyk. Die sonar het niks verklap nie en die dokter het op ’n biopsie besluit. Hulle het ’n kwaadaardige gewas gekry en onmiddellik ’n mastektomie gedoen. Van die limfkliere is ook verwyder.

“Ek onthou die skok toe ek wakker word en besef dat ek my bors verloor het. Tog was daar goeie nuus. Die kanker het nie na die limfkliere versprei nie,” vertel sy. “Ek is ’n baie positiewe mens en het dadelik vrede in my hart gekry.”

Carike glo haar vinnige herstel is te danke aan haar positiewe ingesteldheid. Selfs die chemoterapie het haar nie so erg geaffekteer nie. “Ek het nog so baie gehad om voor dankbaar te wees. Ek het ’n liefdevolle netwerk tuis gehad, en my familie en vriende was ongelooflik.”

Deel
Gepubliseer deur
Nicole Kemp

Onlangse plasings

10 redes waarom jy die April-uitgawe van rooi rose móét lees!

  Die lied van haar lewe Sy het ʼn Safta-toekenning vir haar spel in…

6 mins Gelede

WEN dubbelkaartjies na nuwe teaterproduksie ‘Ingrid: ‘n Vlam in die Sneeu’!

Vir die eerste keer op die verhoog word die intieme en hartstogtelike liefdesbriewe tussen Ingrid…

3 hours Gelede

Vyf-vinnige-vrae-Vrydag met Sean Aucamp-van Noordwyk oor sy draai in ‘Suidooster’

Die akteur Sean Aucamp-van Noordwyk (30) het vandeesweek sy verskyning in die gewilde kykNET-sepie, Suidooster,…

3 hours Gelede

‘Kokkedoor Vuur & Vlam’: Regte egte boskos kortwiek byna van die deelnemers

“Daar’s ’n paar goed wat natuurlik so ég Suid-Afrikaans is, dis so moeilik om dit…

18 hours Gelede

Motorneuronsiekte: 5 vroeë simptome om raak te sien

Jy stik dalk nie maar net toevallig nie. Van die tekens sluit simptome wat mens…

1 day Gelede

Spesiale potgooi oor ‘Niggies’ gaan al jou vrae beantwoord

Die eerste episode van kykNET se nuwe dramareeks, Niggies, was skaars uitgesaai toe kykers al…

1 day Gelede

Hierdie webwerf gebruik koekies.