Burgers met speseryhoender en krakerige koolslaai

Genoeg vir 4.

Bestanddele

Burgers

• 4 volgraanrolletjies, oopgesny en gesmeer
• 4 Hoenderborsies
• 15 ml (1 e) ekstra suiwer olyfolie
• 5 ml (1 t) gekapte knoffel
• 15 ml (1 e) gekapte gemmer
• 1 groen brandrissie, gekap
• gerasperde skil van 1 lemmetjie
• 15 ml (1 e) sojasous
• 15 ml (1 e) heuning
• 2,5 ml (1/2 t) sout

Slaai

• ½ klein rooi kool, fyn gesny
• ½ klein groen kool, fyn gesny
• 1 Wortel, in dun repies gesny
• ½ klein rooi-ui, in fyn ringe gesny
• 30 ml (2 e) soetbrandrissiesous
• 30 ml (2 e) sojasous
• hand vol koljanderblare

Metode

1. Sny elke hoenderborsie in die dwarste deur sodat daar 2 eenderse helftes is. Meng die olyfolie, knoffel, gemmer, brandrissie, lemmetjieskil, sojasous en heuning. Marineer vir 30 min.
2. Verhit ’n riffelpan oor hoë hitte. Geur die hoender met sout. Rooster vir 8 min. aan elke kant of tot goudbruin en gaar.
3. Slaai: Meng die kool, wortel, ui, soetbrandrissiesous, soja en koljander in ’n groot mengbak.
4. Sit die hoenderborsies en skeppies van die koolslaai op die broodrolletjies.