Brosgebraaide eend met pampoen-gnocchi & tahini-sous

Brosgebraaide eend met pampoen-gnocchi en tahini-sous

Genoeg vir 6

'); googletag.cmd.push(function() { googletag.display('dfp-300x250-1'); }); document.write(''); }

Gnocchi
• 750 g pampoen, in blokkies gesny en met olyfolie in die oond gerooster tot sag
• 60 g amandelmeel
• 40 g pylwortelmeel (arrowroot, kry dit by gesondheidswinkels)
• 30 ml klappermeel
• 2,5 ml (½ t) sout
• 45 g botter

'); googletag.cmd.push(function() { googletag.display('dfp-300x250-6'); }); document.write(''); }

1 Druk die pampoen deur ’n fyn sif. Meng die pampoen, amandelmeel, pylwortelmeel en sout saam.
2 Knie tot ’n deeg vorm. Bestuif die werkvlak liggies met klappermeel.
3 Verdeel die deeg in 4 stukke. Rol elke stuk in ’n worsie van 2 cm dik en sny in stukkies van 2 cm lank.
4 Druk elke gnocchi liggies met ’n vurk plat.
5 Bring ’n groot kastrol met gesoute water tot kookpunt. Kook die gnocchi in sarsies vir 2-3 min. of tot dit na bo begin dryf.
6 Lig met ’n gaatjieslepel uit die water en hou eenkant.
7 Smelt die botter net voor julle eet in ’n pan en braai die gnocchi vir 5 min. daarin of tot goudkleurig.

'); googletag.cmd.push(function() { googletag.display('dfp-300x250-2'); }); document.write(''); }

Bykomstighede

'); googletag.cmd.push(function() { googletag.display('dfp-300x250-3'); }); document.write(''); }

Tahini-sous
1 Meng 1 x 400 g-blik klapperroom, 80 ml (⅓ k) tahini-pasta (tahini is sesampuree – kry dit by gesondheidswinkels), 80 ml (⅓ k) sojasous, 15 ml (1 e) gekapte gemmer, 5 ml (1 t) gekapte knoffel en die sap van 1 lemmetjie in ’n kastrol en laat prut vir 2 min.
2 Trek van die hitte af en voeg 4 hande vol babaspinasieblare en ’n groot hand vol vars koljanderblare by.
3 Verwerk tot glad met ’n stokmenger of in ’n voedselverwerker.

Krakerige heuning-neute
1 Voorverhit die oond tot 180 °C.
2 Meng 15 ml (1 e) klapperolie, 125 ml (80 g) kasjoeneute, 125 ml (80 g) amandels, 125 ml (80 g) pistasieneute, 2,5 ml (½ t) sout, 15 ml (1 e) heuning en sprei uit op ’n bakplaat wat met bakpapier uitgevoer is.
3 Bak vir 10 min. of tot goudkleurig en bros.

Brosgebraaide eendborsies
1 Sny vlak kepe in die vel van 4 eendborsies en geur met sout en swartpeper.
2 Verhit 15 ml (1 e) olyfolie in ’n pan oor matige hitte. Braai die eend, velkant na onder, vir 2 min. daarin.
3 Voeg 4 jenewerbessies, 4 wonderpeperkorrels, 2 steranyspeule en 1 gekapte rooi brandrissie by en braai vir nog 5 min. of tot die vel goudkleurig en krakerig is. Draai die eend om en braai vir nog 2 min.
4 Voeg die uitgedrukte sap en gerasperde skil van 1 lemoen en 60 g botter by en braai vir nog 2-4 min. – of tot na jou smaak.
5 Haal die vleis uit die pan en laat rus vir 5 min. voor jy dit in dik skywe sny.
6 Gooi die pansous oor die gesnyde borsies.

Roerbraaigroente met gemmer en lemoen
1 Verhit 30 ml (2 e) olyfolie in ’n wokpan oor matige hitte.
2 Voeg 15 ml (1 e) gekapte gemmer, 10 ml (2 t) gekapte knoffel en 1 fyngekapte rooi brandrissie by en braai vir 1 min.
3 Sny 4 murgpampoentjies, ’n hand vol babaspinasie, 1 groenkool, 6 mange tout, 2 wortels en 6 broccolini in dun repies.
4 Voeg by die gemmermengsel en braai vir 5 min. 5 Voeg 15 ml (1 e) sojasous en die gerasperde skil en sap van 1 lemoen by.
6 Braai vir nog 2 min. Sit met sesamsaad en vars koljander voor.