“Breakfast at Tiffany’s” is nou ’n werklikheid

Die immergewilde rolprent Breakfast at Tiffany’s het op die 5de Oktober 56 jaar oud geword. In die openingstoneel klim Holly Golightly (vertolk deur Audrey Hepburn) uit ’n geel New Yorkse taxi. Sy dra ’n swart Givenchy-aandrok met pêrels, ’n beehive-haarstyl en lang handskoene. Sy loop na die uitstalvensters van die luukse juweelhandelaar Tiffany & Co. en maak ’n papiersakkie oop waaruit sy ’n wegneemkoffie en croissant haal. Dan window shop sy terwyl sy ontbyt eet by (of eerder, buite) Tiffany’s terwyl Henry Mancini se Moon River in die agtergrond speel.

'); googletag.cmd.push(function() { googletag.display('dfp-300x250-1'); }); document.write(''); }

Wou jy al ooit ontbyt by Tiffany’s eet? Wel, nou het hierdie luukse juweelhandelaar dit ’n stappie verder geneem en jy kan letterlik binne Tiffany’s ontbyt eet met hul nuwe restaurant wat die afgelope naweek oopgemaak het.

'); googletag.cmd.push(function() { googletag.display('dfp-300x250-6'); }); document.write(''); }

Terwyl hierdie winkel se restaurant nie op enige Audrey Hepburn-herinneringe fokus nie, bedien hulle wel heeldag ontbyt. Die dekor is eerder klassiek Tiffany’s en in die juweelhandelaar se bekende kleur: Tiffany-blou. Van die stoeloortreksels tot die mure en die dak is in hierdie blou en selfs die eetware is Tiffany-blou ontwerp. Dit is glo so ontwerp dat dit voel asof jy binne een van Tiffany’s se bekende blou juweelboksies sit. Vandaar die naam, The Blue Box Café.

'); googletag.cmd.push(function() { googletag.display('dfp-300x250-2'); }); document.write(''); }